• USD 468.56

  • EUR 497.56

  • RUB 7.3

  • CNY 67.18

29 Naýryz, 05:38:48
Almaty
+35°

Semeı qalasynyń áýejaıyna Abaı esimin berý týraly jáne Semeı qalasynyń bilim berý mekemelerine tanymal tulǵalardyń attaryn berý oblystyq onomastıkalyq komıssııada maquldanyp, Shyǵys Qazaqstan oblystyq máslıhatynyń depýtattary tarapynan qoldaý tapty. Qujattar respýblıkalyq onomastıka komıssııasyna jiberildi.

Endi Semeı qalasynyń halyqaralyq áýejaıy Uly Abaıdyń esimimen atalatyn bolady. №49 mektep te aqynnyń qurmetine berilmek. Kelesi jyly elimiz Abaıdyń 175 jyldyǵyn toılaıdy. Aıtýly mereıtoıǵa oraı oblys kóleminde 500-den astam shara ótedi.

Sondaı-aq, oqý oryndaryna kórnekti tulǵalardyń attary beriletin bolady.  №2 orta mektep – Qanysh Sátpaev atyna,  №3 mektep-keshen – Muhtar Áýezov atyna,  №34 mektep – aty ańyzǵa aınalǵan batyr Baýyrjan Momyshulynyń qurmetine, №37 mektep-gımnazııasy – Ybyraı Altynsarın esimine,  №39 mektep – Álıhan Bókeıhannyń atyna, №47 mektep – Ahmet Baıtursynov atyna, Prıgorod orta mektebi – Júsipbek Aımaýytovtyń qurmetine berilmek.

Bul elimizdiń damýyna úles qosqan belgili qazaqstandyqtarǵa qurmet bolyp tabylady. О́skeleń urpaq tarıhta oıyp alar orny bar tulǵalardy tanyp, eńbekterin bilip, esimderin máńgi qurmetteýleri tıis.

Semeı qalasynyń aqparattyq ortalyǵy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir