• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:55:52
Qazaqstan Ýkraınanyń saýda naryǵyna alańdaýly

14 Qarasha, 2019 Aımaqtar

"Baqytty otbasy" el qazynasy

«Baqytty otbasy» el qazynasy. Shyndyǵynda shańyraqta shattyq bolsa, elde de tynyshtyq bolatyny anyq. Al el turǵyndarynyń basty máselesi ol baspana jaıy. Sol sebepti elimiz «Baqytty otbasy» baǵdarlamasyn jandandyrdy. Baǵdarlama aıasynda búginde Jambyl oblysynda qonystoıyn toılap jatqandar az emes, dep jazady Qamshy.kz aqparat agenttigi. 

Jalpy turmysy tómen kópbalaly otbasylardy qoldaýdyń «Baqytty otbasy» keshendi baǵdarlamasy boıynsha turǵyndarǵa 10 paıyz bastapqy jarna, 2 paıyz jyldyq ústemaqymen 19 jylǵa bólip tóleý múmkindigi usynyldy. Baǵdarlama «Qazaqstannyń turǵyn úı qurylys jınaq banki» AQ arqyly júzege asyrylýda. Oǵan memlekettik qordan páter alýǵa tirkelgen «tolyq emes otbasy», «kópbalaly otbasy», «múgedek bala asyraýshy otbasy» sanattaryndaǵy azamattar qatysa alady. Qazirgi ýaqytta qala boıynsha 941 joldama berildi. Onyń ishinde 351 azamattyń qujattary bankke qabyldanyp, 319 adamnyń tólem qabileti rastaldy. Sonymen qatar aǵymdaǵy jyldyń tamyz aıynan bastap qala aýmaǵynan kópbalaly otbasylarǵa jekeshelendirý quqyǵynsyz 142 páter satyp alynýda. Budan bólek, «Qarasý» shaǵyn aýdanynda oblys ákiminiń tapsyrmasy boıynsha tórt jataqhana soǵylyp, kezekte turǵan kópbalaly otbasylarǵa zań aıasynda úlestiriledi.

Jeke turǵyn úıler qurylysyna kelsek, Súleımenov kóshesinen ınvestorlar tarapynan nesıege beriletin biryńǵaı sáýlettik stıldegi kottedjdik úılerdiń qurylystaryn júrgizý úshin jer telimderi belgilengen. Osynyń negizinde «KSS Construction», «RemStroı-SS», «Syrym Bileke», «Dámdes» merdiger kompanııalary kelisimshart jasasty. Qazirgi tańda 14 úıdiń qurylysy aıaqtalyp, 4 úıge áleýetti satyp alýshy anyqtaldy. Budan bólek, qosymsha 26 úıdiń qurylysy júrgizilýde. Osy úılerge halyqty qonystandyrý maqsatynda 2006 jyly jer ýchaskesin alýǵa kezekte turǵan azamattarǵa túsindirý jumystary júrgizildi.

Turǵyn úı jaıly aıtqanda, jer kezeginde turǵan azamattardy eskermeý múmkin emes. Sebebi jeke turǵyn úı qurylysyn júrgizý úshin jer telimderin alýǵa 71 493 azamat kezekte tur. Olarǵa Asqarov kóshesinen jáne «Hamýkat», «Qarasaı», «Qumshaǵal», «Shalǵaı Qarasý» alqaptaryndaǵy 932,6 gektar jer qarastyrylǵan. Nátıjesinde kezekte turǵan 3 752 azamatty jermen qamtý josparlanýda. Budan bólek, 2012 jyldan beri «Kóltoǵan» alqaby mańyndaǵy 250 gektar alańda bólingen 1 232 jer telimi qaralyp, nátıjesinde paıdalaný merzimi ótken 127 jer ýchaskesi memleket menshigine qaıtaryldy. Bos jatqan jerler kezekte turǵan azamattarǵa qaıta beriletin bolady. Iá turǵyn úı, jer máselesi josparǵa saı oryndalsa, halyqtyń kópten beri qaýzap júrgen suraqtary seıiler edi. Bastysy, qurylys jumystarynda júıe bar, tek memleket pen merdigerler bastaǵan isti aıaqsyz qaldyrmasa ıgi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir