Almatyda «Kórkemsóz oqý sheberleri» baıqaýynyń jeńimpazdary anyqtaldy

Almaty qalasy ákimdigi Tilderdi damytý jáne latyn grafıkasyna kóshý ortalyǵy «Rýhanı jańǵyrý» baǵdarlamasynyń aıasynda 15 qarasha kúni Bostandyq aýdany ákimi apparatynyń májilis zalynda talantty jastar arasynda «Kórkemsóz oqý sheberleri»  qalalyq konkýrsyn ótkizdi.

Konkýrs tómendegideı kezeńder boıynsha ótkizildi:

1. Prozalyq shyǵarma oqý;

2. Poezııalyq shyǵarma oqý;

3. Dramalyq shyǵarma oqý.

Konkýrs qorytyndysy boıynsha ózgelerden dara kóringen Almaly aýdany atynan shyqqan Iskakov Erjan Erlanuly bas júldemen (200 000 teńge) marapattalsa, 1-oryndy Jetisý aýdanynan Ábdihan Abzal Danııaruly (150 000 teńge), 2-oryndy Bostandyq aýdanynan Shúkiman Ilııas Erkinuly (100 000 teńge), 3-oryndy Jetisý aýdanynan Ábdilda Mahambetáli Amantaıuly (70 000 teńge) qanjyǵasyna baılady.

Al «Mánerli sóz» nomınasııasyna Medeý aýdanynan shyqqan Bodaýbek Aıkún Aıbatqyzy (35 000 teńge), «Maǵynaly sóz» nomınasııasyna Túrksib aýdanynan Saǵatbek Aıbek Ábýuly (35 000 teńge) ıe boldy. Oq boıy oza shapqandardyń qataryn Bostandyq aýdanynan Zákenov Qýandyq Qaıratuly (30 000 teńge) men Alataý aýdany atynan shyqqan Táttibek Indıra Rústembaıqyzy (30 000 teńge) toltyrdy. Olarǵa yntalandyrý syılyǵy tabys etildi. Odan ózge Nuǵman Nurǵalı Muratuly, Iаrkúl Aıgúl Erkinbekqyzy, Janǵaboev Nurbek Serıkboıuly, Qasym Dúısehan Anarbaıuly, Myrzakeldi Erkemaı, Eldar Nursultan Ǵalymuly, Ibrahım Erkebulan Ibrahımuly, Tańat Aqnur Erǵalıqyzy, Amangeldiuly Ǵalym, Saǵymdanova Gúlden Aqanseriqyzy, Zarıpov Beıbarys Berdibekuly alǵys hattar ıelendi.