• USD 468.56

  • EUR 497.56

  • RUB 7.3

  • CNY 67.18

28 Naýryz, 13:16:39
Almaty
+35°
 

AQSh Iranda benzın baǵasynyń qymbattaýyna narazy azamattarǵa bıliktiń kúsh qoldanyp, ınternet pen mobıldi baılanysty óshirgenin aıyptady, dep habarlaıdy azattyq.org. Aq úı 17 qarashada beıbit narazylyq aksııasyna shyqqan Iran halqyn "qoldaý" bildiretini týraly málimdeme taratty.

"Demonstranttarǵa qarsy kúsh qoldanýdy jáne baılanysty shekteýdi aıyptaımyz" dep málimdedi Aq úı ákimshiligi.

Iran úkimetiniń benzın baǵasyn qymbattatyp (bir lıtr benzın 13 sentke qymbattady), janar-jaǵar maıdy satýǵa shekteý engizýi turǵyndardyń narazylyǵyn týdyrdy. Habarlarǵa qaraǵanda, júzge jýyq eldimekende qarsylyq aksııalary ótken. Iran bıligi jappaı narazylyqqa qatań shara qoldanatynyn eskertti.

Irannyń rýhanı kósemi aıatolla Álı Hameneı 17 qarashada úkimettiń benzın baǵasyn qymbattatý týraly sheshimin qoldaıtynyn málimdedi. Narazylyq barysynda "birneshe adam ólip, keı nysandar qıratylǵanyn" aıtqan Hameneı demonstranttardy "baskeserler" dep atady. Ol "qoǵamǵa iritki salǵan" Irannyń "jaýlaryn" aıyptady.

Irannyń Fars jańalyqtar agenttigi myńǵa jýyq adam tutqyndaldy dep habarlady. Memlekettik basylymdar "narazylyq kezinde júzden astam bank pen dúken órtengen" degen aqparat taratty. Buǵan deıin resmı oryndar narazylyq aksııasy kezinde bir adam qaza tapqan dep habarlaǵan. Alaıda belsendiler birneshe adamnyń ólgenin aıtty. Ondaǵan adam zardap shekken.

Áleýmettik jelilerde janar-jaǵar maı beketteri men bank mekemeleri órtenip, polıseıler men narazylardyń qaqtyǵysqany týraly vıdeolar men sýretter tarady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir