• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:40:26
Qazaqstan Ýkraınanyń saýda naryǵyna alańdaýly

19 Qarasha, 2019 NEWS

Túrkistan oblysynan munaı tabyldy

Qazaqstannyń ońtústiginde boksıt kenin izdeý kezinde Túrkistan oblysynan munaı tabyldy, dep habarlaıdy LS.

Oblys aýmaǵyndaǵy Shoqpaq ýchaskesinde poleozoı dəýirindegi jynystan, Úlken Qarataý taýaralyq oıysynda alǵash ret taıaý tereńdikte ornalasqan munaı tabylǵan.

Izdeý-túsirý ekspedısııasy Úlken Qarataý Leontev oıysyndaǵy geofızıkalyq aýytqýlarǵa boksıt keni jəne onymen baılanysty qorǵasyn, myrysh izdeý úshin zertteý júrgizgen. Osy maqsatta 300 metrge deıingi tereńdiktegi uńǵyma burǵylandy. Burǵylanǵan túrli tereńdiktegi 39 uńǵymanyń 11-inen qońyr tústi reńktegi suıyq-tamshyly munaı tabylǵan.

Shoqpaq ýchaskesinde munaıdyń tabylýy Qazaqstannyń taýly jerinde alǵash ret oryn alyp otyr jəne Syrdarııa men Shý-Sarysý oıysyndaǵy munaıgazdylyqty boljaýda mańyzdy mənge ıe.

Budan buryn Shý-Sarysý oıysynda birneshe usaq gaz ken orny ashylǵan bolatyn. Onyń ishindedi Amangeldi jəne Prıdorojnyı ken oryndary kópke belgili. Endi Syrdarııa jəne Shý-Sarysý oıystarynda munaı izdeýdiń keleshegine jol ashylyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir