Respýblıkalyq bıýdjetke 290,8 mlrd teńge salyq tústi. Bul týraly QR Qarjy mınıstrligi MKK Salyq salý ádisnamasy departamenti dırektorynyń mindetin atqarýshy Dáýlet Jarylǵasynov aıtty, – dep Qamshy.kz aqparat agenttigi habarlaıdy.

"2019 jyldyń 1 qarashasyndaǵy jaǵdaı boıynsha respýblıkada bıýdjetke jalpy 290,8 mlrd teńge salyq tústi. Osylaısha, ótken jyldyń 10 aıymen salystyrǵanda salyqtyq kiris 20,2 mlrd teńgege artyp otyr", – dep Dáýlet Jarylǵasynov OKQ-da ótken baspasóz máslıhatynda málimdeme jasady.

Departament ókiliniń aıtýynsha, óńirler turǵysynan alǵanda aıtarlyqtaı túsim Atyraý oblysy (41,5 mlrd teńge), Almaty (37,0 mlrd teńge) jáne Nur-Sultan (30,1 mlrd teńge) qalalarynan túsken.

"Salyqtan atalǵan óńirlerden qarajattyń kóp túsýiniń sebebi belgili: Atyraý – munaıly óńir, Almaty men Nur-Sultan qalalary – halqy kóp iri qalalar. Salyq salynatyn kólik quraldarynyń sany 3,9 mln-ǵa jetti. Onyń 3,6 mıllıony jeke tulǵalarǵa tıesili. Kólik salasyndaǵy salyq tóleýshilerdiń sany – 2 784 185 jeke tulǵa. Múlik pen jer salyǵyn tóleýshiler sany shamamen 7,3 mln adam. Onyń ishinde múlik salyǵy boıynsha 3,8 mln adam, jer salyǵy boıynsha 3,4 mln adam salyq tóleıdi", – dedi ol.

 

"Qamshy" silteıdi
Ilmek sózder: Salyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir