• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:43:04
Qazaqstan Ýkraınanyń saýda naryǵyna alańdaýly

18 Qarasha, 2019 NEWS

B. Saǵyntaev: Qalalyqtardyń qaýipsizdigi úshin únemdeýge bolmaıdy

Almaty ákimi Baqytjan Saǵyntaev ishki ister mınıstri Erlan Turǵymbaevtyń qatysýymen qoǵamdyq qaýipsizdikti qamtamasyz etý jáne jol-kólik oqıǵalarynyń aldyn-alý máseleleri boıynsha keńes ótkizdi, dep jazady ákimdiktiń baspasóz qyzmeti.

Negizgi mindet – qyzmet kórsetýdiń servıstik úlgisine basymdyq bere otyryp, Almaty polısııasynyń jumysyn qaıta qurý. Ýchaskelik ınspektorlar, patrýlder qala turǵyndary men qonaqtaryna olardyń máselelerin sheshýge kómektesýleri tıis.

«Qoǵamnyń basty talaby – sapaly jáne qoljetimdi medısınalyq qyzmet, bilim men qoǵamdyq qaýipsizdik. Biz osylardy qamtamasyz etýge tıispiz», – dedi keńesti ashqan Baqytjan Saǵyntaev.

IIM-niń basshysy polısııanyń jedel basqarý ortalyǵyn modernızasııalaý jáne JBO-da vıdeobaqylaý júıesin ıntegrasııalaý josparlary týraly aıtty. Jol oqıǵalary erekshe nazar aýdarýdy qajet etedi. Jyl basynan beri qaraı megapolıste 4 myńǵa jýyq JKO bolǵan.

«Biz qazirgi kezde halyq sany men avtomobıl trafıginiń kóp bolýyna qaramastan pármendi sharalardy qoldana otyryp, joldardaǵy apattar men ólim-jitimdi kúrt azaıtqan sheteldiń tájirıbesin belsendi túrde úırenýdemiz», – dep atap ótti IIM-niń basshysy.

Qala ákimdigi quqyqtyq tártipti qamtamasyz etýde, onyń ishinde zamanaýı megapolısterdiń ozyq tájirıbesin paıdalana otyryp, jol ınfraqurylymyn qaıta qurý jóninde polısııanyń bastamalaryn qoldaıtyn bolady. Bular – «vafeldi» belgiler, jolaqtar boıynsha burylystardaǵy qozǵalystardyń núkteleri, qosymsha baǵdarshamdar jáne magıstraldi kóshelerdegi bólgish qorshaýlar.

– Adam ómirin aqshamen ólsheýge bolmaıdy. Qalanyń kólik ınfraqurylymy qozǵalystyń barynsha qaýipsizdigin qamtamasyz etý úshin barlyq jaǵdaılardy jasaýy qajet, – dep atap ótti B. Saǵyntaev ári qalalyq mobıldilik basqarmasyna bul máseleni polısııa departamentimen birge sheshýdi tapsyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir