Almaty qalasynyń ákimi Baqytjan Saǵyntaevtyń qaladaǵy birneshe mobıldik pýnkterdi eskertýsiz aralaǵan sátinde pýnktterdiń basym kópshiliginde kezekshi polısııa qyzmetkeriniń otyrmaǵany anyqtaldy.

Bul týraly B.Saǵyntaev óziniń instagram-daǵy paraqshasynda jazdy.

«Polısııanyń mobıldi postylary jónindegi bastamany jaqsy qabyldaǵan qalalyqtar óz jazbalarynda ýchaskelik ınspektorlardyń postylardan kórinbeıtinine shaǵymdanýda.

Keshe keshkisin esh eskertýsiz «Atakentte», «Mereı» SO, Kókbazarda, Arbatta, Meńdiqulov – Bekturov kósheleriniń buryshynda, Gandı parkinde ornalasqan mobıldi pýnktterdi tekserdim. Olardyń tek bireýinde ǵana ýchaskelik ınspektor boldy. Al qalǵandarynda jaryq janǵanymen, kezekshi bolǵan joq, polısııa qyzmetkeriniń ornyna SO-nyń kúzetshileri otyrdy.

Qoǵamdyq qaýipsizdikti qamtamasyz etýge bulaısha nemquraıdy qaraýǵa bolmaıdy! Sondyqtan búgin apparattyq jıynda qalanyń PD-niń basshysy S. Kúdebaevqa eskertý jasadym. Medeý, Almaly, Bostandyq, Jetisý aýdandarynyń polısııa basshylaryna sógis jarııalaýdy tapsyrdym. Aýdan ákimderine de baqylaýdyń joqtyǵy úshin eskertý aıtyldy.

Atqarylatyn jumystar jóninde qalalyqtardyń eskertýleri nazarǵa alynady. Almatylyqtardyń qaýipsizdigi – bizdiń jumysymyzdyń basty baǵyttarynyń biri», – delingen ákim jazbasynda.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir