18 Qarasha, 2019

Mamın úsh vıse-mınıstrdi jazalaýdy tapsyrdy

Premer-Mınıstr Asqar Mamın ulttyq ekonomıka, saýda jáne ıntegrasııa, aýyl sharýashylyǵy mınıstrleriniń orynbasarlaryn, sondaı-aq birneshe oblys ákimderiniń orynbasarlaryn áleýmettik mańyzy bar taýarlarǵa baǵany negizsiz ósirgeni úshin jaýapqa tartýdy tapsyrdy dep jazady Qamshy.kz aqparat agenttigi. 

"Múddeli memlekettik organdardyń ishinen jumys tobyn qurý qajet. Bir apta ishinde qysqa jáne orta merzimdi sharalar paketin jasańyz. Úsh kúnniń ishinde Premer-Mınıstrdiń Keńsesi meniń atymnan aýyl sharýashylyǵy, ulttyq ekonomıka, saýda jáne ıntegrasııa vıse-mınıstrlerin jazalaý týraly ıdeıany ákeledi. Sondaı-aq, Aqtóbe, Petropavl, Kókshetaý, Taraz jáne Jambyl oblystarynda ákimderdiń orynbasarlaryn belgilengen tártipte jaýapkershilikke tartý qajet", dedi Asqar Mamın. 

Saýda jáne ıntegrasııa mınıstri Baqyt Sultanovtyń aıtýynsha, áleýmettik mańyzy bar taýarlarǵa shekti baǵanyń ósýi Atyraý, Pavlodar jáne Jambyl oblystarynda, sondaı-aq Nur-Sultanda baıqalady.

"Múddeli memlekettik organdar qatarynan jumys tobyn quryp, bir apta ishinde áleýmettik mańyzy bar taýarlardyń baǵasyn turaqtandyrý boıynsha qysqa merzimge jáne orta merzimge arnalǵan naqty sharalar ázirlensin. Roman Vasılevıch, jumysty basqarýdy sizge tapsyramyn" dedi premer-mınıstr. 

Al Túrkistan, Almaty, Kókshetaý, Petropavl, Aqtóbe jáne Tarazda 19 taýardyń beseýiniń baǵasy ósken.

"Bul ákimdikter, aýyl sharýashylyǵy, ulttyq ekonomıka, saýda jáne ıntegrasııa mınıstrlikteriniń jetkilikti jumys júrgizbeı otyrǵanyn kórsetedi", - dedi Mamın.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir