• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:49:29
Qazaqstan Ýkraınanyń saýda naryǵyna alańdaýly

18 Qarasha, 2019 NEWS

Jańa baǵdarlama boıynsha kimderge baspana beriledi?

Elimizde baspananyń qoljetimdi bolýy úshin taǵy bir baǵdarlama engiziledi, – dep  Qamshy.kz aqparat agenttigi habarlaıdy.

 Bul týraly Úkimet otyrysynda ındýstrııa men ınfraqurylymdyq damý mınıstri Beıbit Atamqulov aıtty. 

Úkimet 2020-2025 jylǵa arnalǵan "Nurly jer" turǵyn úı-kommýnaldyq damý memlekettik baǵdarlamasynyń jańa jobasyn maquldady.

"Biryńǵaı turǵyn-úı saıasatyn júzege asyrýdyń" birinshi tapsyrmasy aıasynda baspana qoljetimdiligi satysy engiziledi. Halyqtyń tabysy negizgi faktor bolady. Otbasy múshesi úshin bir kúnkóris mınımýmy – 29,7 myń teńge tabysy bar kezektegi adamdarǵa jetim balalar, 1 jáne 2-toptaǵy múgedekter, zeınetkerler men basqalar úshin satyp alýǵa bolmaıtyn jaldamaly baspana beriledi", – dedi mınıstr. 

Atamqulovtyń aıtýynsha, "Baqytty otbasy" baǵdarlamasy kezektegilerge qoljetimdi bolyp qala beredi. Olardyń sanatyna kiretinder – eki kúnkóris mınımýmy – 59,4 myń teńge tabysy bar kópbalaly, tolyq emes jáne múgedek balasy bar otbasylar.

 "3,1 kúnkóris mınımýmy – 92 myń teńge tabysy bar kezektegiler "5-20-25" baǵdarlamasy boıynsha ákimdiktiń kredıttik baspanasyna úmitker bolady, olar – áskerı qyzmetkerler, memlekettik qyzmetkerler, bıýdjettegiler. 3,1 kúnkóris mınımýmynan joǵary tabysy bar turǵyndarǵa "7-20-25" baǵdarlamasy qoljetimdi", – deıdi Beıbit Atamqulov. 

Mınıstrdiń sózine súıensek, 5 kúnkóris mınımýmy – 148,5 myń teńgeden joǵary tabysy bar qazaqstandyqtar baspana alý úshin "Baspana-hıt", "Orda", "Svoı dom" sekildi naryqtyq baǵdarlamalardy paıdalana alady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir