• USD 468.56

  • EUR 497.56

  • RUB 7.3

  • CNY 67.18

29 Naýryz, 12:04:40
Almaty
+35°

Ákimshilik quqyq buzýshylyq jáne Qylmystyq kodeksterde zań buzǵan júrgizýshilerge qandaı jaza qarastyrylǵanyn Qamshy.kz aqparat agenttigi habarlaıdy, Sputnik -ke silteme jasap.  

Jyldamdyqty asyrý

Ákimshilik quqyq buzýshylyq týraly kodekstiń 592-baby 1-tarmaǵyna sáıkes, belgilengen jyldamdyqty saǵatyna 10-nan 20 shaqyrymǵa deıin arttyrǵany úshin 5 AEK, ıaǵnı 12 625 teńge aıyppul salynady.

Atap aıtsaq, saǵatyna 20-dan 40 shaqyrymǵa deıin – 10 AEK nemese 25 250 teńge, al  saǵatyna 40 shaqyrymnan astam shamaǵa arttyrý – 20 AEK nemese 50 500 teńge.

Sondaı-aq ákimshilik jazadan keıin osy áreketter bir jyl ishinde taǵy qaıtalansa, onda 30 AEK – 75 750 teńge aıyppul salynady.

 Qaýipsizdik beldigin taqpaý

Kodekstiń 593-babyna sáıkes, qaýipsizdik beldigin taqpaǵandar 5 AEK, ıaǵnı 12 625 teńge aıyppul tóleıdi.

Eger bir jyl ishinde dál osy erejeni qaıta buzsa, 10 AEK – 25 250 teńge aıyppul qarastyrylǵan.

 Baǵdarshamnyń qyzyl túsin elemeý

599-baptyń 1-tarmaǵyna sáıkes, baǵdarshamnyń qyzyl túsin elemeı nemese retteýshiniń "toqta" degen qımylyna qaramaı júrip ótetinder 10 AEK – 25 250 teńge aıyppul arqalaıdy.

Eger osy áreket bir jyl ishinde qaıtalansa, onda aıyppul somasy artady. Júrgizýshi 15 AEK nemese 37 875 teńge tóleýge mindetteledi.

Júrgizýshi

Manevr jasaý erejelerin buzý

Kodekstiń 595-babynda manevr qaǵıdalaryn buzatyn júrgizýshilerge ákimshilik jaza qarastyrylǵan.

Eger júrgizýshi júrý, baǵytyn ózgertý, burylý, keri burylý nemese toqtaý aldynda sıgnal bermese, onda 5 AEK – 12 625 teńge aıyppul tóleıdi.

Manevr jasaýǵa tyıym salynǵan jerde artqa júrý 10 AEK nemese 25 250 teńge aıyppul salýǵa ákep soǵady.

Bir jyl ishinde taǵy qaıtalansa –  20 AEK = 50 500 teńge.

 Kólikti toqtatý nemese turaqqa qoıý

Kóliktiń aıaldaýy nemese toqtap turýy erejelerin buzý – 5 AEK = 12 625 teńge.

Eger kólikti trotýarǵa, gúlzar, balalar nemese sport alańdarynda turaqqa qoıý – 10 AEK = 25 250 teńge, al jol qozǵalysyna kedergi keltirip, kólikti joldyń júretin bóligine qoıý – 10 AEK = 25 250 teńge. Odan ózge múgedekterge arnalǵan turaqqa toqtaý – 10 AEK = 25 250 teńge. Sondaı-aq aqyly avtoturaqqa qoıǵany úshin aqy tóleýden jaltarý – 3 AEK = 7 575 teńge, eger bir jyl ishinde qaıtalap jasasa, 5 AEK = 12 625 teńge.

Telefonmen sóılesý

Kodekstiń 591-baby 1-tarmaǵyna sáıkes, kólik aıdaý kezinde telefon nemese radıostansııa paıdalanǵan júrgizýshi 5 AEK = 12 625 teńge aıyppul arqalaıdy. Zań buzýshylyq 1 jyl ishinde qaıtalansa, 10 AEK = 25 250 teńge tóleıdi.

Eskertý: telefondy ne radıostansııany qulaqqap kıip nemese qatty daýysqa qoıyp paıdalanýǵa ruqsat etiledi.

Jol apatyna túsip qalsańyz

Ákimshilik quqyq buzýshylyq týraly kodekstiń 610-babyna sáıkes, eger júrgizýshi basqa kólikke, júkke, jolǵa, joldaǵy qurylystarǵa nemese basqa da múlikke zııan keltirse, 20 AEK = 50 500 teńge aıyppul tóleıdi. Nemese 6 aı merzimge júrgizýshi kýáliginen aıyrylady.

Eger jábirlenýshiniń densaýlyǵyna jeńil zııan keltirse, 40 AEK = 101 000 teńge aıyppul tóleýge mindetti. Nemese 9 aıǵa deıingi merzimge kólik aıdaý quqyǵynan aıyrylady. 

Jol apatyna kináli adam buǵan deıin júrgizýshi kýáliginen aıyrylsa, onda 60 AEK = 151 500 teńge mólsherinde aıyppul tóleýge mindetti.

Júrgizýshi ózi jol apatyna sebepker bolyp, oqıǵa ornynan izin sýytsa, onda 1 jylǵa kólik júrgizý quqyǵynan aıyrylady. Eger júrgizýshi buǵan deıin kýáliginen aıyrylsa, onda 100 AEK = 252 500 teńge tóleıdi nemese 30 táýlikke ákimshilik qamaýǵa alynýy múmkin.

Eskertý: eger júrgizýshi zardap shekken adamǵa medısınalyq kómek kórsetý úshin oqıǵa ornynan ketip qalsa, jaýapkershilikten bosatylady.

júrgizýshi

Qylmystyq jaýapkershilik    

Qylmystyq kodekstiń 345-baby 1-tarmaǵyna sáıkes, eger júrgizýshi abaısyzda adamnyń densaýlyǵyna "aýyrlyǵy ortasha" zııan keltirse, belgili bir laýazymdardy atqarý nemese belgili bir qyzmetpen aınalysý quqyǵynan eki jylǵa deıingi merzimge aıyryla otyryp, 160 AEK = 404 000 teńge aıyppul tóleıdi. Ne sol mólsherde túzeý jumystaryna ne 160 saǵatqa qoǵamdyq jumystarǵa tartylady, nemese 40 táýlikke deıingi merzimge qamaýǵa alynady.

Abaısyzda adamnyń densaýlyǵyna aýyr zııan keltirse, belgili bir laýazymdardy atqarý nemese belgili bir qyzmetpen aınalysý quqyǵynan úsh jylǵa aıyryla otyryp, 2000 AEK = 5 050 000 teńge aıyppul salynady, nemese sol mólsherde túzeý jumystaryna, ne 600 saǵatqa qoǵamdyq jumystarǵa tartylady. Ne bolmasa, 2 jylǵa deıin bas bostandyǵy shekteledi, ne sol merzimge bas bostandyǵynan aıyrý jazasyna kesiledi.

Eger jol apaty abaısyzda adam ólimine ákep soqsa, kináli adam belgili bir laýazymdardy atqarý nemese belgili bir qyzmetpen aınalysý quqyǵynan bes jylǵa aıyrylyp, bes jylǵa deıingi merzimge sottalady.

Júrgizýshi abaısyzda eki nemese odan da kóp adamnyń ólimine sebepker bolsa, belgili bir laýazymdardy atqarý nemese belgili bir qyzmetpen aınalysý quqyǵynan jeti jylǵa deıin aıyryla otyryp, 5 jyldan 10  jylǵa deıin bas bostandyǵynan aıyrylady.

 

 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir