• USD 468.56

  • EUR 497.56

  • RUB 7.3

  • CNY 67.18

29 Naýryz, 08:44:28
Almaty
+35°

Almaty oblysynda jeke sharýalarǵa arnalǵan oqý semınary aıaqtaldy dep jazady Qamshy.kz aqparat agenttigi.

Eki aı ishinde jergilikti sharýalar Reseıden kelgen mamandardan (RF, Lıpesk qalasynda ornalasqan Sút bıznesi akademııasynyń ókilderi) dáris alyp, óz bilimderin júzege asyrýǵa múmkindik aldy. Oqý baǵdarlamasy aıasynda sharýalar mal ósirý, tól alý, sút óndirisin jaqsartý, shıki sútti ótkizý, zańmen qarastyrylǵan quqyqtyq-ákimshilik erejeler men talaptardy saqtaýǵa qatysty aqparattarmen tanys boldy. «Fermerler mektebinde» teorııamen qatar reseılik oqytýshylar tájirıbelik dáristermen de bólisti.

Jekemenshik fermerler men mal dárigerlerine arnalǵan oqý-ádisteme baǵdarlamasy «Atameken» kásipkerler palatasy men «Danone» kompanııasynyń bastamasymen júzege asyrylyp otyr.

“Danone Berkut” JShS bas dırektory: «Almaty oblysy sút óndirisin iske asyrýǵa bolatyn jaıly aımaq. Tabıǵaty tamasha, aýasy taza, sıyrlary sútti keledi. Sút óndirisin damytýǵa úlken múmkindikter jeterlik. Bastysy, durys baǵdar berip, jol kórsetý. Sol úshin de biz eki aılyq semınar dáristerin júrgizýdi qolǵa aldyq. Sharýalar alǵan bilim arqyly óz kásipterin ary qaraı damytyp, jetildiredi degen oıdamyz».

 «Fermerler mektebine» kelgen árbir jan ózderine qajetti aqparatty aldy dep senemiz. Biz bergen bilimdi jeke sharýalar óz kásibinde paıdalansa, nur ústine nur bolady. Sharýalar bizden alǵan dáristerdi áriptesterimen bólisip, jańa tehnologııalardy paıdalanyp, óz kásibiniń jumysyn sapasyn arttyra alady,» - dedi SBA oqý kombınatynyń dırektory Kadrııa Kırshenına

«Qyrkúıek aıynda bastalǵan «Fermerler mektebiniń» dáristerine 150-ge jýyq sharýalar qatysty. Olardyń kóbi mal sharýashylyǵy salasynda jekemenshik kásippen aınalysady. Arasynda mal dárigerleri de bar. Dárister ár túrli taqyryp boıynsha tórt semınarǵa bólindi. Ár semınardy SBA ókilderi júrgizdi. Dáris qatysýshylary ózderiniń bilimderin tolyqtyryp, keıin óz kásibinde iske asyra alatynyna senimimiz mol,» - Abzal Jazbaev “Danone” kompanııasynyń mamany. 

Nurlan О́teýlınov, sharýa: «Meniń Almaty oblysy, Qarasaı aýdanynda jeke kásippen aınalysqanyma 10 jyldaı bolyp qaldy. 100 shaqty iri qara malym bar. Kúnine shamamen 200-300 lıtr sút alamyz. Ony shıki sút retinde ótkizemiz. Osy semınarǵa kelip, bilim alyp, mamandardyń keńesterin tyńdap jatqan jaıymyz bar». 

Jeke sharýalardy oqytý baǵdarlamasy 2020 jyldyń 1 qańtarynda óz kúshine enetin Eýro kedendik odaqtyń jańa tehnıkalyq reglamentterge daıyn bolýy úshin júrgizildi. Jańa qujattyń talaptary shıki súttiń ishindegi antıbıotıkterdiń bolýy men tazalyǵyna qatysty. Qazaqstan eline daıyndyq jumystary úshin 1 jyl ýaqyt berilgen bolatyn. Alaıda, sarapshylar qabyldanyp alynatyn shıki sútti qabyldap alý jaǵdaıy esh ózgermegenin aıtady

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir