• USD 468.56

  • EUR 497.56

  • RUB 7.3

  • CNY 67.18

29 Naýryz, 03:45:20
Almaty
+35°

Almatyda "Ǵylym ordasynda" áleýmettik kásipkerlikti damytýǵa úles qosqan kásipkerler "ÓZGERIS USTASY" júldesimen marapattaldy.

Belgili bir toptyń damýyna ǵana úles qospaı, tutas qoǵam damýyna muryndyq bolyp, kásibin dóńgeletip otyrǵan osy bir erekshe jandardyń ıgi isi kóńilge qýanysh syılaıdy. Sondyqtan áleýmettik kásipkerlik salasyndaǵy kórnekti mamandardyń eńbegin qoǵamnyń moıyndaýy, otandyq áleýmettik kásipkerlik ınstıtýtyna nazar aýdarý jáne Qazaqstandaǵy áleýmettik kásipkerlikti tanymal etý úlken mańyzǵa ıe.

Syılyq eki sanat boıynsha berildi: áleýmettik kásipkerlikpen aınalysatyn úkimettik emes uıymdar (ÚEU) jáne Qazaqstanda áleýmettik kásipkerliktiń damýyna yqpal etetin uıymdar.

a

ÚEU arasynan jeńimpazdardy anyqtaý eki kezeńde ótti. Aldymen, jergilikti jáne sheteldik saraptama uıymdarynyń ókilderi kiretin saraptamalyq komıssııa fınalısterdi tańdady. Ekinshi kezeńde jeńimpazdar ashyq onlaın daýys berý negizinde tańdaldy. Úzdik ataýmen birge ÚEU arasyndaǵy jeńimpazdarǵa 500 000 teńge kóleminde aqshalaı syıaqy berildi. Al áleýmettik kásipkerliktiń damýyna yqpal etetin uıymdardy Saraptaý komıssııasy anyqtady.

a

Júldeni uıymdastyrýshylardyń biri, ImpactHub Almaty basshysy Indıra Shah atalmysh kásipkerlerdiń biregeıligi – áleýmettik máselelerdiń sheshimin tabýynda  ǵana emes, sheshimdi turaqty bıznes modelderge negizdeı otyryp sheshýinde ekenin atap ótti.

– Qarapaıym tilmen aıtqanda, olar bizdiń qoǵamǵa kómektesedi, ári osy qyzmeti arqyly tabys tabady jáne halyqtyń áleýmettik álsiz toptaryna aqsha tabýǵa múmkindik beredi. Aty aıtyp turǵandaı «ÓZGERIS USTASY», qoǵamǵa ózgeris ákeletin elimizdiń naǵyz kaharmandaryn, ózgeris ustalaryn anyqtaıtyn baıqaý. Osy kisiler bizdiń jas urpaǵymyzǵa úlgi bolýy kerek, –dedi ol.

a

Sonymen, ÁLEÝMETTIK KÁSIPKERLIKTIŃ BILIM SALASYNDAǴY ÚZDIK ÚLGISI nomınasııasynda kelesideı uıymdar jeńimpaz atandy.

1. Salem Social Village, Shymkent qalasy.

2. «KOMÝNITIPLIýS» mádenıet, áleýmet jáne bilim berýdi damytý qory» qoǵamdyq qory, Almaty qalasy.

3. "Aıalaǵan Alaqan" Qoǵamdyq qaıyrymdylyq qory, Batys Qazaqstan oblysy.

ÁLEÝMETTIK OSAL TOPTARDY QOLDAÝ SALASYNDAǴY ÁLEÝMETTIK KÁSIPKERLIKTIŃ ÚZDIK ÚLGISI nomınasııasynda jeńimpaz atanǵandar:

1.«Erekshe ómir» múgedek-balalardy aqparattyq-úılestirý resýrstyq qoldaý ortalyǵy» qoǵamdyq qory, Kókshetaý qalasy.

2. «Jambyl oblysynyń kommersııalyq emes uıymdarynyń qaýymdastyǵy» zańdy tulǵalardyń birlestigi, Taraz qalasy.

3. «Ski Park Pioneer» jaýapkershiligi shekteýli seriktestigi, Almaty qalasy.

4. Qarabekov Aǵabek atyndaǵy qoǵamdyq qor, Nur-Sultan qalasy.

5. "JARQYN BOLASHAQ" jastar qoǵamdyq qory, Atyraý oblysy.

6. «Strana masterov» múgedekterdiń qoǵamdyq qory.

7. «Móldirkóz» qoǵamdyq birlestigi, Atyraý qalasy.

8. «Psıhoanalıtıcheskaıa assosıasııa» qoǵamdyq birlestigi, Almaty qalasy.

9. "Federasııa paýerlıftınga ı jıma leja Mangıstaýskoı oblastı" qoǵamdyq birlestigi, Mańǵystaý oblysy.

EKOLOGIIа SALASYNDAǴY ÁLEÝMETTIK KÁSIPKERLIKTIŃ ÚZDIK ÚLGISI nomınasııasynda jeńimpaz atanǵandar:

1. «Arnaý» Damý ortalyǵy» qoǵamdyq birlestigi, Nur-Sultan qalasy.

2. «Jaıyq-Kaspıı Orhýss ortalyǵy» korporatıvtik qory, Atyraý oblysy.

3. EcoWasteAktau, mańǵystaý oblysy.

ÁLEÝMETTIK KÁSIPKERLIKTI QOLDAÝ BOIYNShA KORPORATIVTI SEKTORDYŃ ÚZDIK BASTAMASY nomınasııasynda Chevron Kompanııasy jeńimpaz atandy.

ÁLEÝMETTIK KÁSIPKERLIKTI QOLDAÝDAǴY ÚZDIK MEMLEKETTIK ShARA nomınasııasynda Samrýk-Kazyna Trast jeńimpaz atandy.

ÁLEÝMETTIK KÁSIPKERLIKTI QOLDAÝ ÚShIN HALYQARALYQ INSTITÝTTYŃ ÚZDIK BASTAMASY nomınasııasynyń jeńimpazy bolyp Halyqaralyq damý jónindegi AQSh Agenttigi (USAID) atandy.

Kesh barysynda áleýmettik kásipkerlerdiń alǵashqy respýblıkalyq tizilimi tanystyryldy.  Búgingi tańda 150-ge jýyq áleýmettik kásipkerler belsendi qyzmet etip keledi.

Kesh baǵdarlamasy ártisterdiń ónerimen jalǵasyp, áleýmettik kásipkerler shyǵaratyn erekshe ónimderdiń jármeńkesimen qyzyqtyryla tústi.

Júlde uıymdastyrýshylary – “Act for Impact” (Impact Hub Almaty) Korporatıvtik qory Qazaqstan Respýblıkasy aqparat jáne qoǵamdyq damý mınıstrligi qoldaýymen «Azamattyq bastamalardy qoldaý ortalyǵy»  (ÚEAQ) granty aıasynda.

a

a

a

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir