• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:58:00
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

Almaty men Máskeý yntymaqtastyq týraly memorandýmǵa qol qoıdy

Máskeýdiń Almatydaǵy kúnderi aıasynda eki qalanyń baýyrlastyq qatynastarynyń 25 jyldyǵyna oraı ınvestısııa, saýda-ekonomıkalyq jáne iskerlik yntymaqtastyq máseleleri boıynsha konferensııa ótti, dep jazady ákimdiktiń baspasóz qyzmeti.

Almaty qalasy ákiminiń orynbasary E. Babaqumarov konferensııaǵa qatysýshylarǵa arnaǵan quttyqtaý sózinde eki qalanyń dostyq qarym-qatynasynyń ómirsheńdigin erekshe atady.

«Kezinde Almatyda tarıhı jáne mádenı tutastyq biriktirgen eki el arasynda strategııalyq mańyzy bar baılanystar týyndaǵan bolatyn. Biz zamanaýı Máskeýdiń damý úrdisin jiti qadaǵalaımyz, jetistigine qýanamyz, ozyq tájirıbesin úırenemiz», - dedi Erjan Babaqumarov jáne Almatydaǵy Máskeý kúnderiniń eki qalanyń paıdasy úshin tájirıbe almasýǵa, jańa ıdeıalar men josparlardy bólisýge múmkindik beretinin atap ótti.

Qala ákiminiń orynbasary Almaty Qazaqstannyń mádenı jáne iskerlik ortalyǵy ekenin qadap turyp aıtty. Eń bastysy, damyǵan ınfraqurylym, qalamyzdyń zııatkerlik jáne mádenı baı murasy men ondaǵan jyldar boıyna jınaqtalǵan adamı kapıtal kreatıvti ekonomıkanyń damýyna keńinen jol ashady.

«Aıta keterligi, bizdiń qalalarymyz arasyndaǵy yntymaqtastyqty odan ári nyǵaıtýda jergilikti ákimshilik, isker jandar men shyǵarmashyl ujymdar delegasııalarynyń pikir almasý saparlarynyń, kezdesýleriniń, kelissóz júrgizýleriniń mańyzy zor», - dedi E. Babaqumarov.

О́z kezeginde Almatydaǵy Reseıdiń Bas konsýly Evgenıı Bobrov Reseı men Qazaqstan arasyndaǵy yntymaqtastyqta Máskeý men Almatynyń basty ról atqaratynyn atap ótti.

«Almaty men Reseı arasyndaǵy taýar aınalymy 2018 jyldyń qorytyndysy boıynsha 4,7 mlrd. dollarǵa jetti. Al, Máskeý men Qazaqstan arasyndaǵy taýar aınalymy 4 mlrd. dollardy quraıdy», - dedi Bas konsýl jáne Almatydaǵy Máskeý kúnderiniń iskerlik mazmunǵa baı ekenin ári eki jaqty baılanysty odan ári nyǵaıta túsetinin atap ótti.

Almaty ákimdigi men Máskeý úkimeti arasynda 2020-2023 jyldarǵa arnalǵan yntymaqtastyq týraly memorandýmǵa qol qoıyldy. Qujat saýda-ekonomıkalyq, gýmanıtarlyq jáne mádenı yntymaqtastyqta ekijaqty qarym-qatynasty aıqyndaıdy.

Almaty ákimdigi tarapynan memorandýmǵa qala ákiminiń orynbasary Erjan Babaqumarov, al Máskeý úkimeti jaǵynan Máskeý úkimetiniń mınıstri, syrtqyekonomıkalyq jáne halyqaralyq baılanystar departamentiniń basshysy Sergeı Cheremın qoldaryn qoıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir