• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:10:35
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

B. Saǵyntaev: Almatynyń Máskeýden úıreneri bar

Almaty ákimi Baqytjan Saǵyntaev Máskeý úkimetiniń mınıstri, syrtqyekonomıkalyq jáne halyqaralyq baılanystar departamentiniń basshysy Sergeı Cheremındi qabyldady, dep jazady ákimdiktiń resmı saıty.

S. Cheremın Almatyǵa Máskeýdiń Mádenıet kúnderine Reseıdiń astanasynan kelgen delegasııany basqarady. Kezdesý barysynda mınıstr damýdyń qalalyq baǵdarlamalaryn, qoǵamdyq keńistikti ózgertýdiń, densaýlyq saqtaý men bilim salasyndaǵy reformalardy júzege asyrýdyń tájirıbeleri týraly aıtty. Sonymen qatar, qonaq turǵyn úı qoryn, kólik ınfraqurylymyn modernızasııalaý jáne kommýnaldyq sharýashylyqty sıfrlandyrý, megapolıstiń tynys-tirshiligin qamtamasyz etý jónindegi aqparatpen bólisti.

Almaty ákimi Baqytjan Saǵyntaev qalany basqarý júıesine jańa tehnologııalar men ınnovasııany engizýde Máskeýdiń damý tájirıbesiniń utymdy ekenin atap ótti.

«Bizdiń qalalarda yntymaqtastyqty jáne densaýlyq saqtaýdy, bilimdi, kólik ınfraqurylymyn, TKSh jáne sıfrlandyrýdy modernızasııalaý máseleleri boıynsha tájirıbe almasýda jaqsy perspektıvalar bar», - dedi B. Saǵyntaev jáne Máskeý sııaqty Almatynyń da ortalyqtandyrý boıynsha damıtynyn atap ótti.

Almatyda «shetsiz qala» qaǵıdasy boıynsha turatyn jerine qaramastan jaıly ómir súrý jáne áleýmettik qyzmetterdi alý úshin barlyq jaǵdaılar jasalatyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir