Qala ákimi Baqytjan Saǵyntaev QR Tuńǵysh Prezıdenti – Elbasy qorynyń atqarýshy dırektory Áset Isekeshevpen birge «El úmiti» daryndy jastar forýmynyń estafetasyn qabyldady.
«El Úmiti» jobasy el boıynsha 1000 talantty, daryndy ári isker jastardy irikteýge kómektesedi. Olar óz tájirıbesimen bólise otyryp, óziniń úlgisinde qurdastaryn tabysqa umtylýǵa jigerlendirip, ózine senýge, talantyn pash etýge kómektesedi. «Sizderdiń árqaısylaryńyzdyń jetistikterińizdi saralaı kele, biz elimizdiń barlyq jastaryna únemi ózdiginshe jumys istep, jańa beleske qol jetkizip, kommýnıkabeldi ári belsendi bolýǵa shaqyramyz. Árkimniń taǵdyry óz qolynda. Kóshbasshy bolýǵa, bolashaqqa batyl maqsattar qoıyp, soǵan qol jetkizińizder», – dedi qala ákimi Baqytjan Saǵyntaev forýmǵa qatysýshylarǵa arnaǵan sózinde.
Almatyda 700 myńǵa jýyq jas adam turady, ıaǵnı qalanyń árbir úshinshi turǵyny – jastar. Onyń 230 myńnan astamy – stýdentter. Olar 39 joǵary oqý ornynda jáne qalanyń 81 kolledjinde bilim alady.
«Talant pen energııa, kreatıvti qabiletter qalamyzdyń básekege qabiletti eń kúshti artyqshylyǵy bolyp tabylady. Biz muny túsinemiz jáne baǵalaımyz. Almaty jastardyń máselelerin sheshedi, ıaǵnı jumysqa ornalastyrady, kásibı daǵdylar beredi, bıznes bastamalardy qoldaıdy. Biz qalany jas urpaqtyń óziniń «Almatylyq armanyn» iske asyra alatyndaı etip damytatyn bolamyz», – dep atap ótti qala ákimi.
«El úmiti» forýmynda Almaty, Jambyl, Túrkistan oblystarynyń, sondaı-aq Shymkent pen Almatynyń belsendi jastary Elbasynyń ǵylym men bilim, bıznes pen medısına, mádenıet jáne sport, ekonomıka jáne qoǵamdyq ómir salalaryndaǵy qoldaý baǵdarlamalarynyń arqasynda qol jetkizgen tabystary týraly áńgimeledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir