Bank qyzmetkeri 87 mıllıon teńgeni jymqyryp, qashyp ketti

Qostanaı oblysynda bank qyzmetkeri 87 mıllıon teńgeni jymqyrdy degen kúdikke ilindi dep jazady Qamshy.kz aqparat agenttigi alau.kz saıtynyń deregin negizge alyp. 

Qostanaı oblysy polısııa departamentiniń baspasóz qyzmeti habarlaǵandaı, polısııa bankterdiń biriniń Jitiqaradaǵy fılıalynan iri kólemde aqsha urlaý faktisi negizinde qylmystyq kodekstiń 189-baby 4-bóligi (Senip tapsyrylǵan múlikti asa iri mólsherde ıemdený nemese ysyrap etý) boıynsha sotqa deıingi tergeýdi bastady.

Bank qyzmetkeri oǵan senip tapsyrylǵan 87 mıllıon teńgeden astam somany urlap, iz-tússiz joǵalǵan qylmys jasady dep kúdiktelýde.

Tergeýshiler kúdiktiniń 12 qarasha kúni Reseımen shekarany kesip ótkenin anyqtady. Qazirgi tańda ony qamaýǵa alýǵa sanksııa alyndy, ustaý sharalary qabyldanyp jatyr.