• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:57:56
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

Elimizde qandaı bankter arqyly para beriletini belgili boldy

Sybaılas jemqorlyqqa qarsy is-qımyl agenttigi paranyń qaı bankter arqyly beriletinin jarııalady, – dep Qamshy.kz aqparat agenttigi habarlaıdy. 

Tergeýshi Danııar Bıgaıdarovtyń málimdeýinshe, búginde ártúrli elektrondy júıeler arqyly para berý áreketteri jyl saıyn kóbeıip keledi.

"Bıyl Kaspi banktiń tólem júıeleri arqyly para berý faktileri anyqtalǵan. Sonyń ishinde Kaspi Gold, Kaspi ámııan jáne taǵy basqa qyzmetter bar. Mysaly, Túrkistan oblystyq mádenıet basqarmasynyń  basshysy bólim basshysy arqyly tarıhı-ólketaný mýzeıiniń qyzmetkerin jumysqa alǵany úshin 700 myń teńge kóleminde para alǵan. Ol aqsha Kaspi Gold arqyly aýdaryldy", – dep Bıgaıdarov astanada ótken baspasóz máslıhatynda jaýap berdi. 

Sondaı-aq tergeýshiniń aıtýynsha, basqa bankterdiń esepshottary arqyly para berý áreketteri de az emes.

Atap aıtsaq, Pavlodar oblysynda AP-162/10 mekemesi basshysynyń mindetin atqarýshy Hasenov para alǵany úshin 6 mıllıon teńge kóleminde aıyppul tóleýge mindetteldi. Ol sottalýshynyń jazasyn qysqartý týraly usynysty sotqa joldaǵany úshin 200 myń teńgeniń parasyn Halyk bank-tegi esepshotyna aýdartý arqyly alǵany belgili boldy.

Odan ózge elimizde Kiwi ámııan, Olimp býkmekerlik keńsesiniń logınderi men uıaly telefonǵa balans salý arqyly para beriledi. Mysaly, Batys Qazaqstanda ulttyq ulannyń áskerı bólimshe bastyǵynyń orynbasary Omarov pen kıim-keshek qyzmetiniń bastyǵy Qydyrov kásipkerden 300 myń teńgeniń parasyn Kiwi ámııan arqyly alǵan.

Al Qaraǵandy oblysynda túrme qyzmetkeri Kýrkov degen azamat 12 mıllıonnyń aıyppulyn tóleıtin boldy. Ol sottalýshynyń jaǵdaıyn jaqsartqany úshin 200 myń teńgeni Olimp býkmekerlik keńsesindegi logınine salyp berýdi talap etken.

"Soltústik Qazaqstanda Israılov degen azamat múgedektik týraly anyqtama úshin parany uıaly telefonǵa balans salý arqyly bergen. Negizi, ondaı qylmystardy anyqtaý qıyn emes. Osy salada problema joq", – dep sózin túıindedi Bıgaıdarov.

 

Ilmek sózder: Sybaılas jemqorlyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir