15 Qarasha, 2019 NEWS
Premer-Mınıtrdiń orynbasary Berdibek Saparbaev keshkilik oblystyq balalar aýrýhanasynda aq halatty abzal jandarmen kezdesti. Basqosý barysynda elimizdiń densaýlyq saqtaý mınıstri Eljan Birtanov baıandama jasap, mindetti medısınalyq saqtandyrý bastamasyna qatysty atqarylǵan jumystardy tilge tıek etti.
Sondaı-aq mınıstr mindetti medısınalyq saqtandyrý baǵdarlamasyn buqaraǵa túsindirýde Jambyl oblysy aldyńǵy qatarda kele jatqanyn jetkizip, óńirdegi jumysqa oń baǵasyn berdi. Baıandama tyńdalǵannan keıin jıynǵa qatysýshylar mınıstrge mindetti medısınalyq saqtandyrýǵa qatysty birqatar saýaldaryn qoıdy. Eljan Amantaıuly barlyq saýaldarǵa tushymdy jaýap berip, aımaq dárigeplerin bul baǵytta jumyla jumys jasaýǵa shaqyrdy.
Kezdesýdi qorytyndylaǵan Berdibek Máshbekuly Jambyl oblysynda atqarylyp jatqan jumystarǵa kóńili tolatyndyǵyn aıtyp, alaıda áleýmettik jelilerde dárigerler tarapyna baǵyttalǵan syndarǵa aımaqtyń aq halatty abzal jandary der kezinde jaýap bermeıtindigine qynjylys bildirdi. Sol sebepti Premer-Mınıstrdiń orynbasary dárigerlerge syn men min taǵylyp jatsa, bul tutas el medısınasyna aıtylǵan dúnıe dep qabyldap, judyryqsha jumylý qajettigin tapsyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir