15 Qarasha, 2019 NEWS

B.Saparbaev Taraz turǵyndarymen  kezdesti

 
Vıse-Premer Berdibek Saparbaev bastaǵan toby jumys sapary barysynda oblystyq qazaq drama teatrynda jambyldyq túrli salanyń mamandary men qoǵam belsendileri men úkimettik emes uıymdardyń ókilderimen kezdesti. Berdibek Máshbekuly memlekettiń áleýmettik-ekonomıkalyq saıasatyndaǵy basa mán berilip otyrǵan basymdyqtarǵa toqtaldy. О́z sózinde búginde Taraz qalasynyń shyn mánisinde kún sanap tarıhı kelbeti aıshyqtalyp, jańǵyryp kele jatqanyn aıtyp ótken Premer Mınıstrdiń orynbasary el Úkimeti aldyndaǵy aýqymdy mindetterdi tilge tıek etti.

Turǵyndardyń turmys sapasyn jaqsartýdyń bir joly — medısınalyq qyzmettiń qoljetimidi bolýy ekeni belgili. Halyq densaýlyǵyn saqtaýda alǵashqy dárigerlik kómekti tıimdi uıymdastyrýdyń mańyzy zor. Bul rette Jambyl óńiri jumysty júıeli júrgizip, respýblıka boıynsha alǵa shyǵyp otyr.

Osyny basa aıtqan Berdibek Saparbaev densaýlyq saqtaý mınıstri Eljan Birtanovqa eldi mekenderdi ambýlatorııalar jáne medpýnkttermen qamtýda ózgeshe úlgi kórsetip,  memlekettik-jekeshelik  áriptestik tetigin tıimdi paıdalanyp otyrǵan Jambyl oblysynyń tájirıbesin ózge óńirlerge taratýdy tapsyrdy.

Kezdesýde Vıse-Premer keler jyldan bastap engizýge usynylyp otyrǵan ataýly áleýmettik kómektiń jańa júıesi týraly da aıtyp ótti.

«Shyn muqtaj azamattardy áleýmettik turǵyda qorǵaý úshin ári masyldyq pıǵyldy órshitip almaý maqsatynda Úkimet ataýly áleýmettik kómekti tóleýdiń mehanızmin ózgertýdi usynyp otyr. Biz bir nárseni túsinýimiz kerek. Bul — aty aıtyp turǵandaı, ataýly kómek. Jyl boıy tólenetin jalaqy emes. Ol qoldaýǵa zárý otbasylarǵa áleýmettik jaǵdaıyn túzep alý úshin belgili bir merzimge taǵaıyndalady. Ekonomıkany turaqtandyrýdyń joly — eńbek», — dedi Berdibek Máshbekuly.

Premer Mınıstrdiń orynbasary sondaı-aq múmkindigi shekteýli jandardy ońaltý maqsatynda beriletin arnaıy qurylǵylarmen qamtý júıesin jaqsartý úshin arnaıy portal ashylǵanyn da tilge tıek etti. Tıisti qural-jabdyqtarǵa tapsyrys berýge tender eń tıimdi jol emes ekenin, sonyń saldarynan buǵan deıin qoldaýdy qajet etetin azamattardy kerek qurylǵymen qamtýda kedergi týyndaǵanyn sóz etti. Arnaıy portal endi osy túıtkilderden qutylýǵa múmkindik bermek. Jıynda jumyspen qamtý, biryńǵaı áleýmettik qor jáne biryńǵaı áleýmettik tólem týraly da aıtyldy.

Vıse-Premerdiń Jambyl jurtshylyǵymen júzdesýi erkin formatta ótkenin aıta ketken jón. Turǵyndar Berdibek Saparbaevqa kókeıde júrgen suraqtaryn qoıyp, ózekti máselelerdi alǵa tartty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir