• USD 468.56

  • EUR 497.56

  • RUB 7.3

  • CNY 67.18

29 Naýryz, 09:17:26
Almaty
+35°

QR Premer-Mınıstriniń orynbasary Berdibek Saparbaev Baızaq aýdany Qostóbe aýyldyq okrýgindegi jańadan paıdalanýǵa berilgen alǵashqy medısına-sanıtarlyq kómek kórsetý nysanyna at basyn burdy. Onda osy baǵytta atqarylyp jatqan jatqan jumystar týraly oblystyq densaýlyq saqtaý basqarmasynyń basshysy Marat Jumanqulov baıandady. Ol byltyr júrgizilgen zerdeleý sharalarynyń nátıjesinde óńirde osyndaı 95 nysannyń qajet ekeni anyqtalǵanyn jetkizdi. Bul másele oblys ákiminiń tapsyrmasyna oraı memlekettik-jekemenshik áriptestik aıasynda bıyl tolyǵymen sheshimin tappaq eken.

«О́tken jyly 30 alǵashqy medısına-sanıtarlyq kómek kórsetý nysany salynsa, bıyl 65 nysannyń qurylysy júrip jatyr. Olar jyl sońyna deıin paıdalanýǵa beriledi. Aıta keteıik, 95 nysannyń alǵashqy quny ońtaılandyrý arqyly 2-3 ese arzandatyldy. Buryndary ár jyl saıyn osyndaı 10 nysan ǵana salynyp kelse, ońtaılandyrý nátıjesinde bul másele nebári 2 jylda sheshilgeli otyr»,-dedi basqarma basshysy. Sonymen qatar, vıse-premerge bul baǵytta merdigerler jaýakershiligi kúsheıtilip, kepildik merzimi 3 jyldan 5 jylǵa deıin ulǵaıǵany, aıyppul mólsheri 4 ese kóbeıgeni aıtyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir