• USD 389.52
  • EUR 429.21
  • RUB 6.07
  • CNY 54.94
30 Qańtar, 04:03:41
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

Berdibek Saparbaev Altyn Ordanyń 750 jyldyǵyna arnalǵan halyqaralyq konferensııaǵa qatysýda

Halyqaralyq is-sharaǵa Qazaqstan Respýblıkasy Premer-Mınıstriniń orynbasary Berdibek Saparbaev, Mádenıet jáne sport vıse-mınıstri О́rken Bısaqaev pen Jambyl oblysynyń ákimi Asqar Myrzahmetov, Halyqaralyq Túrki akademııasynyń prezıdenti Darhan Qydyráli, ǵalymdar, mádenıet jáne bilim salasynyń qyzmetkerleri, JOO oqytýshylary men BAQ ókilderi qatysýda.

«Bıyl 24 tamyzda «Ulytaý – 2019» halyqaralyq týrıstik forýmy kezinde Prezıdent Qasym-Jomart Toqaev Ulytaýda halyqaralyq deńgeıdegi etnografııalyq týrızm ortalyǵyn qurýdy tapsyrǵan edi. Atalǵan jospardy júzege asyrý maqsatynda 2020 jyly Altyn Ordanyń 750 jyldyǵy atap ótiledi. Osy oraıda daıyndalǵan keshendi josparǵa sáıkes ortalyq deńegeıinde 50-den astam merekelik is-shara ótedi. Bul qatarda otandyq jáne sheteldik ǵalymdardyń qatysýymen halyqaralyq ǵylymı konferensııa ótkizý, Altyn Ordanyń tarıhyna arnalǵan monografııalar men kitaptar shyǵarý, Ulytaý óńiriniń týrıstik áleýetin ilgeriletý, arheologııalyq qazba jumystaryn júrgizý, derekti fılm shyǵarý qarastyrylýda. Sondaı-aq, Joshy han, Alasha han kesenesine ǵylymı-restavrasııalaý jumystaryn júrgizý, Altyn shoqy taýynyń tóbesindegi Ámir Temir jazýy bar memorıaldyq taqtanyń aýmaǵyn abattandyrý kózdelip otyr. Osy is-sharalar nátıjesinde elimizdiń mádenı murasyn jańǵyrtý úshin platforma qurylyp, Altyn Ordanyń tarıhı-mádenı murasyn nasıhattaýdy UNESCO men UNWTO-nyń halyqaralyq baǵdarlamasyna engizýge alǵyshart jasalmaq»,-dedi B. Saparbaev.

Konferensııa barysynda Talas quryltaıynyń jáne Altyn Orda memleketiniń 750 jyldyǵy, Júsip Balasaǵunnyń áıgili «Qutadǵý bilik» kitabynyń 950 jyldyǵyna oraı mazmundy baıandamalar jasalyp, qatysýshylar paıymdy pikirlerimen bólispek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir