• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:36:18
Qazaqstan Ýkraınanyń saýda naryǵyna alańdaýly

15 Qarasha, 2019 NEWS

B.Saparbaev: Ár adam óz eliniń damýyna qandaı úles qosatyny jaıly oılanýy kerek

Almatyda "Men jastarǵa senemin!" atty Respýblıkalyq jastar forýmynda  vıse-premer Berdibek Saparbaev el jastaryna úndeý jasady, – dep habarlaıdy Qamshy.kz aqparat agenttigi.

"Biz Úkimet músheleri sizdermen kezdeskenimizge qýanyshtymyz. Sizder jassyzdar, sizderdiń boılaryńyzda úlken kúsh–qýat bar, jiger, qaırat, bilim bar. Sonyń barlyǵyn tıimdi paıdalaný kerek. Memleketimizdiń damýyna úles qosyńyzdar. Tuńǵysh Prezıdent kúnine arnalǵan osy sharaǵa qyzyǵýshylyq tanytyp, atsalysyp jatqandaryńyz úshin barlyǵyńyzǵa erekshe alǵys aıtqym keldi. Memleket ár ýaqytta sizderdi qoldaǵan, ári qaraı da qoldaıdy. Sizderge aqjol tileımiz!", – dedi Saparbaev.

Vıse-premerdiń málimdeýinshe, memleket jastarǵa óz talanttaryn ashýǵa jaǵdaı jasaý kerek.

"Qazaqstandyq jastar halyqaralyq standarttarǵa saı bilim alý úshin "Bolashaq" baǵdarlamasy, elimizdiń barlyq óńirindegi Nazarbaev Zııatkerlik mektebi arnaıy quryldy. QR Tuńǵysh Prezıdenti Nursultan Ábishulynyń tapsyrmasyna sáıkes, biz jol kartasyn jasadyq, oǵan elimizdiń bıýdjetinen shamamen 300 mıllıard teńge qarastyrylǵan. Bul az qarjy emes, jalpy ishki ónimniń 0,5% quraıdy. Úkimet sizderge barlyq jaǵdaıdy jasaýǵa mindetti. Atap aıtar bolsaq, bıznespen aınalysyp, óz kásibińizdi ashýǵa kómektesemiz. Ol úshin "Jas Kásipker", "Jas Maman", "Bastaý Bıznes" baǵdarlamalary júzege asyrylýda",  – dep sózin tolyqtyrdy Berdibek Saparbaev.

Baıandama barsynda ol Prezıdenttiń 2020 jyldy Eriktilik jyly dep jarııalaǵanyn eske saldy.

"Qazir bizdiń mınıstrlik Eriktiler jylyna qatysty is-sharalar josparyn ázirlep jatyr. Men sizderdiń eriktiler qozǵalysyna qatysatyndaryńyzdy jaqsy bilemin. Negizi ár adam óz eliniń damýyna qandaı úles qosatyny jaıly oılanýy kerek. Tek sonda ǵana jaqsy nátıjıege qol jetkizemiz", – dep sózin túıindedi vıse-premer.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir