• USD 389.52
  • EUR 429.21
  • RUB 6.07
  • CNY 54.94
22 Qańtar, 12:51:36
Qazaqstan Ýkraınanyń saýda naryǵyna alańdaýly

15 Qarasha, 2019 Barlyq aımaqtar

«Nur Otan» óńirlerdegi belsendi azamattardyń basyn biriktiredi

Partııanyń «qaıta jańǵyrýy» aıasynda elimizdiń 14 aımaǵynda «Nur Otan» partııasynyń kadrlyq rezervine úmitkerler iriktelýde. Joba damý deńgeıi, turǵyndar sany jáne ártúrli áleýmettik toptardyń qamtylýy boıynsha erekshelenetin qalalar men aýdandarda pılottyq rejımde júzege asyrylady.

Negizgi maqsat – ártúrli saladaǵy belsendi azamattardy anyqtaý jáne jınaqtalǵan tájirıbeni eskere otyryp, partııalyq irikteýdi ótkizý tártibin jetildirý. «Nur Otan» partııasynyń kadrlyq rezervine 800-ge jýyq úmitker tirkelgen, olardyń 30% áıelder, taǵy 30% 35 jasqa deıingi azamattar, olardyń ishinde kóp balaly analar, erekshe qajettilikteri bar adamdar da bar.

Pılottyq irikteý aıasynda úmitkerler óz baǵdarlamasymen qoǵamdyq pikirsaıystarǵa qatysady. Kelesi kezeń – partııa músheleriniń arasynda daýys berý, sonyń negizinde «Nur Otan» partııasynyń kadrlyq rezervine qabyldaý úshin eń úzdik úmtikerler tańdalady.

Sonymen, Aqmola oblysynyń Esil aýdanynda ótken partııalyq rezervke úmitkerlerdiń aýyl turǵyndarymen kezdesýinde jumys oryndaryn qurý, sýmen jabdyqtaý jelisi jáne Internettiń baıaýlyǵy jaıyndaǵy suraqtar kóterildi. Qyzylorda oblysynyń Syrdarııa aýdanynda partııa músheleri balalarǵa arnalǵan sport alańdary men damytý ortalyqtarynyń jetispeýshiligin sheshýge nıettenip otyr. Shyǵys Qazaqstan oblysynyń Besqaraǵaı aýdanynda úmitkerler joldardy jóndeý jáne aýyldardaǵy kásipkerlikti damytý taqyrybyna toqtaldy. Mańǵystaý oblysynyń Munaıly aýdanynda mektepterdegi oqýshylarǵa orynnyń jetispeýshiligi, kitaphanalar ashý jáne aýyl turǵyndarynyń deńgeıin kóterý týraly suraqtar kóterildi. nur otan

Aıta ketý kerek, úmitkerlerdiń ishinde aýylsharýashylyq salasynyń ókilderi, qoǵam belsendileri, aýyl mektepteriniń muǵalimderi, dárigerler, mádenıet qaıratkerleri, kásipkerler jáne t.b. bar. Qaraǵandy oblysyndaǵy belsendi úmitkerlerdiń biri – Abaı aýdanynyń turǵyny Elena Sýtıagına boldy.

«Men qyzmetimdi mektepte fızıka-matematıka muǵalimi bolyp bastadym. Keıin áıelderdi túzeý mekemesiniń dırektory bolyp uzaq ýaqyt istedim. Taǵdyry tálkekke ushyraǵan talaı qyzdyń basyndaǵy qıyn jaǵdaıdy kózimmen kórdim. Bireýleriniń ata-analary joq, al bireýlerge durys kóńil bólinip, jaqsy tárbıe berilmegen. Adam taǵdyryna áser etetin kóptegen aspektiler bar, olardyń ishindegi eń mańyzdysy – otbasy. Otbasynyń jaınap, gúldenýi úshin mańyzdy birneshe sharttar bar. Adam jumystan kelgende mektepte oqıtyn balalary saǵynyp kútip otyratyn jyly úıi bolsa, keshkisin olarmen saıabaqqa qydyrýǵa shyqsa, mine – ómir súrýge jasalǵan qolaıly jaǵdaı degen osy. Meniń oıymsha, «Nur Otan» partııasy – osy jaǵdaılardyń sheshimin taba alatyn basty qural. О́mirimizdi jaqsy jaqqa birge ózgerteıik», - dedi ol. nur otan

О́z kezeginde partııalyq kadr rezerviniń taǵy bir úmitkeri Tatıana Tıtovskaıa «Nur Otan» partııasy belsendi azamattardyń oıyn aıta alýy úshin óz alańyn usynǵanyna rızashylyǵyn bildirdi.

«Keıbireýler bizde barlyǵy jaman deıdi. Olaı bolsa, jaqsartaıyq. Barlyǵy iske alǵysyz ba? Kelińiz, durystaıyq! Osylardy aıtý úshin partııa bizge alań usynyp otyr. Ol úshin partııalyq kadr rezervine úmitkerler tańdap jatyr. Biz Abaı aýdanynyń alys aýyldarynyń turǵyndarymen ondaǵan kezdesýler ótkizip úlgerdik. Jurtty tyńdap, olardy alańdatqan máselelerdi bildik. Partııanyń qoldaýymen biz olardyń sheshimin tabamyz», - dep atap ótti Tatıana Tıtovskaıa. nur otan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir