• USD 389.52
  • EUR 429.21
  • RUB 6.07
  • CNY 54.94
26 Aqpan, 12:50:33
Shyńjańdyq dúngen: Dereý qazaqtardan keshirim surańdar! (aýdıo)

15 Qarasha, 2019 Oqıǵalar

Bas prokýratýra ǵımaratyna barǵan Dýlat Aǵadildi polısııa ustap alyp ketti (vıdeo)

13 qarashada Aqmola oblysy Selınograd aýdanynyń ýaqytsha ustaý ızolıatorynan "qashyp shyqty" delingen qoǵam belsendisi Dýlat Aǵadil búgin, 15 qarashada Facebook arqyly málimdeme jasady. Aǵadil vıdeo málimdemesinde qamaý ornynan ne sebepti "shyǵyp ketkenin" aıtty. 

Belsendiniń aıtýynsha, qamaý ornynan qashyp ketý arqyly ol ızolıatordaǵy zańsyzdyqtardy, kúzettiń durys jumys istemeıtinin, kez kelgen adamnyń ol jerden qashyp shyǵýyna kedergi joq ekenin dáleldemek bolǵan. 

"Men shynymen de qashyp kettim, qashýǵa májbúr boldym. Sebebi meni bir aıdyń ishinde bes ret sottady. Joǵarǵy sotqa, bas prokýrorǵa, ishki ister mınıstrine hat jazdym. Biraq olardan jaýap kelmedi. Meniń qashyp ketý sebebim: osy ádiletsizdikterdi halyqqa jetkizgim keldi" dedi Dýlat Aǵadil.

Dýlat Aǵadil "kórgen ádiletsizdikterimdi Qazaqstannyń bas prokýratýrasyna baryp aıtamyn" dep 15 qarashada tańerteń Nur-Sultandaǵy bas prokýratýra ǵımaratyna barǵan kezde polıseıler ony sol jerden ustap áketti.

13 qarashada keshke qaraı Aqmola oblysy Selınograd aýdany Talapker aýylynyń turǵyny 42 jastaǵy belsendi Dýlat Aǵadildiń osy aýdandaǵy tergeý ızolıatordan "qashyp ketkeni" týraly aqparat áleýmettik jelilerde taraǵan

14 qarasha túske qaraı ishki ister mınıstrligi vedomstvo ǵımaratyna barǵan belsendiniń jaqtastaryna Aǵadilge qatysty túsinikteme berdi.

14 qarashada tústen keıin Aqmola oblysy Selınograd aýdandyq polısııa bólimshesi Dýlat Aǵadil jaıly vıdeony jaqtastaryna kórsetken. Al belsendiler polısııanyń sózin, olar kórsetken vıdeoǵa kúmán keltirgen edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir