• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:36:00
Qazaqstan Ýkraınanyń saýda naryǵyna alańdaýly

14 Qarasha, 2019 Oqıǵalar

Dýlat Aǵadildi qoldaýshy belsendiler polısııanyń sózine, kórsetken vıdeosyna kúmán keltirdi (vıdeo)

14 qarashada tústen keıin Aqmola oblysy Selınograd aýdanynyń polısııa bólimshesi "qamaý ızolıatorynan qashyp ketti" delingen belsendi Dýlat Aǵadil jaıly vıdeony jaqtastaryna kórsetti. Bul týraly Azattyq Radıosy jazdy

Azattyq Radıosynyń jazýynsha, Selınograd aýdanynyń polısııa bólimshesi kórsetken vıdeo Aǵadil otyrǵan kamera esiginiń mańdaıshasynan túsirilgenge uqsaıdy. 13 qarasha tańerteńgi saǵat 4-5 shamasynda jazylǵan vıdeodan Aǵadildiń bólmede jybyrlap júrgeni, qujattaryn rettegeni, syrtqy kıimin kıgeni kórinedi. Dálizden túsirilgen taǵy bir vıdeoda Aǵadildiń ersili-qarsyly júrgeni kóringenmen onyń "qashyp ketken sáti" kórinbegen.

Selınograd aýdanynyń polısııa bóliminiń bastyǵy Erlan Ákparov Azattyq Radıosynyń tilshisine "ǵımarattyń syrtynda baqylaý kameralary joq, sol sebepti Aǵadildiń ol jaqtan shyǵyp ketkeni týraly vıdeo-jazba joq" dep aıtqan. Onyń túsindirýinshe, 2013 jyly turǵyzylyp, tozyǵy jetken dýaldyń astynda sańylaý bar, Aǵadil sol sańylaýdan shyǵyp ketken. Oqıǵanyń barysyn túsindirgen Ákparov Aǵadildiń ýaqytsha qamaý ornynan qashyp ketpegenin – "óz erkimen ketip qalǵanyn" aıtqan.

– Oǵan eshqandaı jaza qarastyrylmaıdy. Sebebi ol ákimshilik bappen qamalyp otyr. Biz mundaı jaǵdaıda sırenany da qoldanbadyq, sebebi bul qylmystyq is emes. Tabylǵannan keıin de eshqandaı jaýapqa tartylmaıdy. Tek qalǵan bes kún merzimin óteıdi, – deıdi Erlan Ákparov.

Aǵadil týraly aqparat talap etken onyń jaqtastary men Azattyq Radıosynyń tilshisine "Aǵadildiń deni saý, jaǵdaıy jaqsy ekenine, keletinine senimdimin" degen Ákparov onyń tabylǵany-tabylmaǵany jaıly naqty aqparat aıtpaǵan.

Aǵadildi qoldaýshy belsendiler polısııanyń sózine, kórsetken vıdeosyna kúmánmen qaraıdy. Belsendi Erbol Eshojın Facebook arqyly tikeleı efırge shyǵyp "Eger Dýlat Aǵadil jaıly jaqsy habar estimeıtin bolsaq, onda Aqordaǵa baryp, qarsylyq aksııasyn jalǵastyramyz" dedi. 

13 qarashada keshke qaraı Aqmola oblysy Selınograd aýdany Talapker aýylynyń turǵyny 42 jastaǵy belsendi Dýlat Aǵadildiń osy aýdandaǵy tergeý ızolıatordan "qashyp ketkeni" týraly aqparat áleýmettik jelilerde shyqqan. 

14 qarasha túske qaraı ishki ister mınıstrligi vedomstvo ǵımaratyna barǵan belsendiniń jaqtastaryna Aǵadilge qatysty túsinikteme berdi.

14 qarashada keshke áleýmettik jelide Aǵadildiń tabylǵany, deni saý ekeni týraly quqyq qorǵaýshy Baqytjan Tóreǵojına jazdy. Biraq ol tolyq aqparat aldaǵy ýaqytta jarııalanatynyn jetkizdi. Kóp uzamaı Tóreǵojına jazbasyn óshirdi. 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir