14 Qarasha, 2019 NEWS

Úsh aýrýhana qabyldamaı qoıǵan 5 jasar qyz kóz jumdy

Aqtóbede úsh emdeý mekemesi qabyldamaı qoıǵan 5 jasar qyzdyń ólimine baılanysty arnaıy komıssııa quryldy, – dep Qamshy.kz aqparat agenttigi habarlaıdy.

Aqtóbe oblystyq Densaýlyq saqtaý basqarmasy táýelsiz komıssııa quryp, balanyń ólim sebebin anyqtaýǵa kiristi.

"Bul jaǵdaı Densaýlyq saqtaý mınıstrliginiń, oblys ákiminiń baqylaýyna alyndy. Komıssııa quramynda ózge oblystyń dárigerleri men bilikti mamandary bar. Táýelsiz baqylaý júrgiziledi. Balanyń úsh emdeý mekemesiniń qabyldaý bólimderinde júrip qalǵanyn rastaımyz. Bul – durys emes jáne aldaǵy ýaqytta qatań shara qoldanylady. Balanyń naqty qaı jeri aýyrǵanyn endi táýelsiz komıssııa anyqtap, habarlaıdy. Aldyn ala boljam boıynsha, vırýsty ınfeksııa mıdy jáne tynys alý joldaryn jansyzdandyrǵan", – dep  oblystyq Densaýlyq saqtaý basqarmasy basshysynyń orynbasary Svetlana Esenamanova málimdeme jasady.

Onyń aıtýynsha, bala 6 kún boıy aýyryp, jetinshi kúni jedel járdem shaqyrǵan.

"Balabaqshada júrgende qyzýy kóterilip, arada apta ótkende ǵana dárigerlerge júgingen. Bul – menıngıt emes, jedel respıratorlyq-vırýstyq ınfeksııa", – deıdi S.Esenamanova.

Aldymen  naýqas qyz jedel járdemmen oblystyq balalar aýrýhanasyna jetkizilgen. Ol jerden juqpaly aýrýlar aýrýhanasyna, odan ári qalalyq balalar aýrýhanasyna joldanǵan.

"Emhanadan jedel járdemmen oblystyq balalar aýrýhanasyna jetkizildi. Pedıatr, neırohırýrg qarap, juqpaly aýrýlar aýrýhanasyna jibergen. Ol emdeý orny naýqasty qabyldamaı, qosymsha keńes alý úshin qalalyq balalar aýrýhanasyna siltedi. Bul – durys emes. Juqpaly aýrýlar aýrýhanasy qajetti mamandy emdeý ornyna shaqyrýy tıis edi. Sodan soń bala qalalyq balalar aýrýhanasyna baryp, juqpaly aýrýlar aýrýhanasyna qaıta kelip, aýrýhanada kóz jumdy. Anyqtalǵany osy", – dedi basqarma basshysynyń orynbasary.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir