• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:54:58
Qazaqstan Ýkraınanyń saýda naryǵyna alańdaýly

14 Qarasha, 2019 NEWS

QazUÝ ǵalymdaryn álem moıyndady

Ál-Farabı atyndaǵy QazUÝ ǵylymdaǵy kóshbasshylyq ornyn anyqtap,  «Ǵylym kóshbasshysy – Web of Science Awards-2019» bedeldi júldesiniń tórt nomınasııasy boıynsha jeńimpaz atandy. Halyqaralyq bedeldi jáne tanymal «Clarivate Analytics» Qazaqstandyq  ǵalymdar men uıymdardy marapattaý rásimin Almatyda ótkizdi.

Jyl saıyn úzdik ǵalymdar, zertteý uıymdary men ǵylymı jýrnaldar «Web of Science Award» halyqaralyq júldelerdiń ıegerleri atanady. «Web of Science Core Collection» álemdegi 34 myńnan astam jýrnaldardy qamtıtyn ǵylymı jumystar kóshirilgen jetekshi derekter bazasy. Qazirgi ýaqytta bul platformada qazaqstandyq ǵalymdardyń 25 myńǵa jýyq ǵylymı jarııalanymy ındeksteledi.

Ál-Farabı atyndaǵy QazUÝ «Ǵylym kóshbasshysy – Web of Science Awards-2019» bedeldi júldesiniń tórt nomınasııasy boıynsha jeńimpaz atanyp, óziniń ǵylymdaǵy jetekshi ornyn taǵy da dáleldedi. Ol Q1 jáne Q2 kvartılderi jýrnaldaryndaǵy jarııalanymdardyń sany boıynsha sońǵy 5 jyldyń ishinde Qazaqstannyń JOO arasynda kóshbasshy boldy. Uıymdastyrýshylardyń aıtýynsha, joǵary reıtıngti sheteldik basylymdardaǵy árbir besinshi jarııalanym qazaqstandyq avtorlardiki. Bul – QazUÝ ǵalymdarynyń qosqan úlesi. Táýelsiz syılyqty «Web of Science Core Collection» kirgen ǵylymı monografııalar avtory retinde QazUÝ rektory, akademık Ǵalym Mutanov ıelendi. Kórnekti qazaqstandyq ǵalymnyń «Ekonomıkalyq josparlaý, basqarý jáne bıýdjetteýdegi matematıkalyq ádister jáne modelder» ǵylymı eńbegi eń kóp suranysqa ıe bolǵandardyń biri jáne tabysty jalǵasyn tabýda.

Aıta ketý kerek, bul monografııa ekonomıka salasynday Nobel syılyǵynyń laýreaty Djon Nesh tarapynan joǵary baǵaǵa ıe boldy jáne álemdegi eń iri «Springer Nature» baspasynan jaryq kórdi. Ol joǵary suranysqa ıe bolǵan kitaptardyń jıyntyǵyna kirdi, elektrondy túrde ony 15 myńǵa jýyq paıdalanýshy júktegen. Bul – úzdik kórsetkishterdiń biri. Jýyrda ǵana Jenmın ýnıversıteti janyndaǵy QHR jetekshi baspasy monografııany qytaı tiline aýdaryp, onyń tusaýkeserin álemdegi eń iri Beıjiń halyqaralyq kitap kórmesinde jasady.

QazUÝ-dyń «International Journal of Biology and Chemistry» ǵylymı jýrnaly otandyq mamandandyrylǵan ǵylymı basylymdar arasynan úzdik shyqty. «Úzdik jas ǵalym» nomınasııasy boıynsha PhD doktory, QazUÝ postdoktoranty J.A.Moldabekov tanyldy. Onyń, «Web of Science Core Collection» derekter bazasyna kiretin, joǵary reıtıngti basylymdarda 42 ǵylymı maqala bar.

«Sońǵy jyldary QazUÝ óte tabysty jumys istep jatyr. Ǵylymı jarııalanymdar jaǵynan úlken progress bar ekenin aıtqym keledi. Bul ýnıversıtet basshylyǵynyń eseli eńbegi. Árıne, QazUÝ-dyń orasan ǵylymı áleýeti bar, ǵalymdardy qoldaý jáne birlesken zertteý jobalaryn iske asyrý boıynsha birlesken jumystardy damytý bizdiń aldaǵy josparymyzdyń biri bolmaq, – dedi «Clarivate Analytics» kompanııasynyń Reseı men TMD elderindegi basqarýshy dırektory Oleg Ýtkın.

Sharaǵa «Clarivate Analytics» kompanııasynyń, QR Ulttyq ǵylym akademııasynyń basshylyǵy, QR BǴM men joǵary oqý oryndarynyń, ǵylymı-bilim berý jáne iskerlik toptarynyń ókilderi, sondaı-aq bedeldi otandyq jáne sheteldik sarapshylar qatysty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir