14 Qarasha, 2019 NEWS
Qaraǵandy oblysynda aýyl turǵyndary daladan áıeldiń órtengen máıitin tapty, – dep Qamshy.kz aqparat agenttigi habarlaıdy.
Resmı aqparatqa súıensek, áıeldiń denesi Novaıa Dýbovka aýylynan eki shaqyrym qashyqtyqta tabylǵan. Máıit tolyǵymen órtelmegen. Tergeýshiler áıeldiń Abaı aýdanynyń 42 jastaǵy turǵyny ekenin anyqtady. Shuǵyl izdestirý sharalary barysynda kúdikti ustaldy. Ol áıeldiń tanysy bolyp shyqty.
"21 jastaǵy er adam óz kinásin moıyndady. Áıelmen ursysyp qalǵasyn oǵan jaraqat salǵan. Artynan máıitten qutylmaqshy bolǵan. Sóıtip, 21 jastaǵy dosymen birge áıeldiń denesin dalaǵa aparyp, órtep jibergen", – deıdi oblystyq polısııa mamandary.
Kúdiktilerdiń máıitti qaı kólikpen tasymaldaǵany anyqtaldy. Kólik quraly tárkilendi. Kúdiktiniń joldasyna qatysty bultartpaý sharasyn qabyldaý máselesi qaralyp jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir