"Kórkemsóz oqý sheberleri" synǵa túsedi

Almaty qalasy ákimi apparatynyń Tilderdi damytý jáne latyn grafıkasyna kóshý ortalyǵy 15 qarasha kúni Bostandyq aýdany ákimi apparatynyń májilis zalynda «Kórkemsóz oqý sheberleri» qalalyq konkýrsyn ótkizedi.

Konkýrstyń maqsat-mindetteri: memlekettik tildiń qoldanylý aıasyn keńeıtý, til mádenıetin kóterý, kórkem ádebıetti nasıhattaýdy jandandyrý, talantty jastardy tabý jáne jan-jaqty kótermeleý. Kórkem ádebıetti, qazaq qalamgerleriniń shyǵarmashylyq murasyn nasıhattaý, qazaqstandyq rýhanı birlikti nyǵaıtý jáne otansúıgishtik sezimdi tárbıeleý, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý, jastar arasynda kitap oqý mádenıetin damytý.

Konkýrsqa kórkemsóz oqý sheberligin ıgergen 17-29 jas aralyǵyndaǵy jastar qatysady. Baıqaýǵa kásibı óner salasynyń mamandary, sondaı-aq osy konkýrstyń ótken jyldardaǵy jeńimpazdary jiberilmeıdi.

Konkýrs sharty boıynsha qatysýshylar qazaqtyń belgili aqyn, jazýshy, dramatýrgteriniń kórkemdigi joǵary shyǵarmalaryn nemese shyǵarmadan úzindi oqýy kerek. Shyǵarmalar Qazaqstan, týǵan jer, Táýelsizdik, Astana, el birligi, jastyq shaq, til týraly taqyryptarda bolýy tıis. Konkýrs tómendegideı kezeńder boıynsha ótkiziledi:

1. Prozalyq shyǵarma oqý;
2. Poezııalyq shyǵarma oqý;
3. Dramalyq shyǵarma oqý.

Bas júldege laıyq dep tanylǵan qatysýshyǵa dıplom men 200 000 teńgeniń sertıfıkaty beriledi. 1-oryn ıegerine I dárejeli dıplom jáne 150 000 teńge aqshalaı syılyq, 2-oryndy jeńip alǵan qatysýshyǵa II dárejeli dıplom men 100 000 teńge, 3-oryn alǵan adamǵa III dárejeli dıplom jáne 70 000 teńgeniń sertıfıkaty tabys etilmek.

Sondaı-aq 2 arnaıy nomınasııa ıegerleriniń árqaısysy dıplom jáne 35 000 teńgemen marapattalmaq. eki qatysýshyǵa dıplom jánen 30 000 teńge kólemindegi yntalandyrý syılyǵy usynylyp otyr.