• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:51:32
Qazaqstan Ýkraınanyń saýda naryǵyna alańdaýly

13 Qarasha, 2019 NEWS

Nur-Sultandaǵy konferensııanyń shyǵyndaryna depýtat kúmán keltirdi

Májilis depýtaty Aıqyn Qońyrov Nur-Sultan qalasynda Dúnıejúzilik saýda uıymynyń konferensııasyn ótkizý shyǵyndaryna kúmán keltirdi – dep Qamshy.kz aqparat agenttigi habarlaıdy.. 

"Kelesi jyly Qazaqstan Dúnıejúzilik Saýda Uıymynyń mınıstrler konferensııasyn ótkizýge nıetti. Sharaǵa qatysýshylar sany 5-6 myń adamnan asady. Uıymdastyrýshy – "Astana EKSPO-2017" ulttyq kompanııasy. Mundaı jahandyq sharanyń ımıdjdik áseri bar ekeni anyq. Sondaı-aq konferensııanyń shyǵyndarynyń negizdemesi jáne onyń praktıkalyq áseri kúmán týǵyzady. О́ıtkeni, Qazaqstan jaqynda DSU-ǵa múshe boldy jáne birqatar salalarda áli de ótpeli kezeńde",– dep premer-mınıstr Asqar Mamınge depýtattyq saýal joldady.

 "Halyqaralyq saýda tizbeginde shıkizat jetkizýshisi retinde osyndaı rólge ıe bola otyryp, Qazaqstan daıyn ónimdi jetkizýshilerdiń múddelerin qorǵaıtyn jáne sarapshylardyń pikirinshe tereń daǵdarysta turǵan uıymnyń mınıstrler konferensııasyn ótkizýi kerek", – dedi depýtat.

Odan ózge  Qońyrov bul aqshany otandyq kásiporyndar men eksporttaýshylardy is júzinde qoldaýǵa, eń aldymen kórshi elderdiń naryqtaryna jyljytýǵa jumsaýdy usyndy.

Sondaı-aq depýtat EKSPO nysandarynyń ózin-ózi qamtamasyz etýine  baılanysty birqatar máselelerdi kóterdi.

"Bir kezderi EKSPO nysandaryn kórmeden keıingi paıdalanýdyń tıimdiligin arttyrý jáne olardyń ótelýine qol jetkizý mindeti qoıylǵan bolatyn. Sondyqtan DSU mınıstrler konferensııasy sııaqty keń aýqymdy sharalardy ótkizý Qazaqstan úshin kommersııalyq paıda tabýdyń joly boldy.  Konferensııanyń smetalyq quny qandaı, ol qalaı jabylady? EKSPO –2017 nysandarynyń qaısysy ózin-ózi qamtamasyz etýge jetkiziledi jáne qaısysy úshin memleket tarapynan qarjylandyrý jalǵasýda? "Astana EKSPO – 2017" ulttyq kompanııasynyń 2018 jylǵy qyzmetiniń qarjylyq nátıjeleri qandaı", – deıdi premer-mınıstrge depýtattyq saýalynda.  

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir