• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:28:09
Qazaqstan Ýkraınanyń saýda naryǵyna alańdaýly

13 Qarasha, 2019 NEWS

Qapshaǵaı ákimi sógis aldy

Almaty oblysynyń ákimi Amandyq Batalov Qapshaǵaı qalasynyń ákimi Talǵat Qaınarbekovqa sógis jarııalady, - dep habarlaıdy Qamshy.kz aqparat agenttigi Almaty oblysy ákiminiń baspasóz qyzmetine silteme jasap. 

Almaty oblysynyń ákimi Amandyq Batalov bıýdjet qarajatynyń ıgerilýi boıynsha barlyq qajetti sharalardy qabyldaýdy tapsyrdy. Oblys basshysy ótken 10 aıdyń qorytyndysy boıynsha maqsatty ındıkatorlarǵa qol jetkizý jónindegi máseleler talqylanǵan jıynda bıýdjettiń ıgerilmeýine jergilikti atqarýshy organdar basshylarynyń derbes jaýap beretinin eskertti.  Oblystyq ekonomıka jáne bıýdjettik josparlaý basqarmasynyń basshysy J. Ámirhanovtyń aıtýynsha, jalpy óńirde ekonomıkanyń barlyq baǵyttary boıynsha ósim baıqalady. О́nerkásip ósimi qarqyn alyp, 104,5 paıyz qurady. Aýyl sharýashylyǵy óniminiń jalpy kólemi 718 mıllıard teńgeden asyp, ósim 2,6 paıyzǵa jetti. Sol sııaqty bólshek saýdadaǵy taýar aınalymynyń kólemi de 3,8 paıyz ósti. Degenmen qurylys sektorynyń qarqynynda baıaýlaý baıqalady, ıaǵnı 214,4 mıllıard teńge - 100,6 paıyz. Investısııa boıynsha da azdaǵan ósim bar - 100,5 paıyz, 444,2 mıllıard teńge tartylǵan.  Bul rette Amandyq Batalov ıgerilmeı jatqan qarjynyń edáýir bóligi osy qurylys salasynda ekenin aıtty. Máselen, Qapshaǵaı qalasynyń ózinde ǵana qazirgi kezde 741 mıllıon teńge ıgerilmegen, onyń 517 mıllıon teńgesi respýblıkalyq bıýdjetten bólingen. Osy somanyń basym bóligi kóp qabatty úılerdiń qurylysyna qarastyrylǵan. Merdiger kompanııalar tarapynan qurylys jumystary júrgizilip jatyr, dese de iske qosý merzimi josparlanǵannan keshiktirilýi ábden múmkin. 

"Memleket halyqty baspanamen qamtamasyz etý úshin tıisti qarjy bóldi. Al sender ony merziminde oryndamaı, qarajattyń ıgerilmeýine jol berip otyrsyńdar. Men muny Qapshaǵaı qalasy ákiminiń, oblystyq qurylys basqarmasy basshysynyń jáne qurylys salasyna jetekshilik etetin meniń birinshi orynbasarymnyń tikeleı kinási dep esepteımin. Osy atalǵan barlyǵyńa qatań sógis jarııalaımyn. Turǵyn úı salýǵa jaýapty merdiger uıymdardy da qurylys jumystaryn keshiktirgeni úshin jazalaý kerek. Jyl sońyna deıin jaǵdaıdy túzeıtin bolyńdar, qurylys jumystary qatań baqylansyn", - dedi Batalov.

Oblystyq qarjy basqarmasynyń basshysy Danııar Álimbaevtyń aıtýynsha, oblystyq bıýdjettiń jeke jospary 186 mıllıard teńge, onyń júzege asyrylýy 185 mıllıard teńge - 99,2 paıyz kútilýde. Qazirgi kezde qarajattyń ıgerilmeýi TÚKSh, densaýlyq saqtaý, aýyl sharýashylyǵy, bilim berý salalarynda, sol sııaqty polısııa departamentinde oryn alyp otyr. Atalǵan basqarmalar men departament basshylary barlyq qarajat maqsatty bólingen, jyl sońyna deıin ıgeriledi dep sendirdi.

Atap aıtqanda, qarjy gazdandyrýǵa, gerbısıdter qunyn sýbsıdııalaýǵa, ırrıgasııalyq júıelerdi jóndeýdi jalǵastyrýǵa jáne t.b. sharalarǵa qarastyrylǵan. Oblystyń aýdan, qalalaryna kelsek, ákimder árbir baǵyt boıynsha esep berip, qalǵan qarjy somasy baǵyttalatyn jobalar jaıynda baıandady. Osy jıynda Eńbekshiqazaq aýdany ákiminiń jumysy qatań synǵa alyndy. Aýdanda barlyq baǵytta jumys báseńdegen. Sol sııaqty jıyn barysynda MÁMS júıesine kóshý, AÁK tólemi, áleýmettik qoldaý sharalary arqyly dáriger mamandar jetispeýshiligin sheshý sııaqty kóptegen máseleler talqylandy. Sol sııaqty oblys ákimi zańsyz qurylysqa jol bermeýdi qatań eskertti.

"Jalpy óńirde ekonomıkanyń barlyq baǵyttary boıynsha ósim bar. Qurylys kólemin biz 102 paıyzǵa, ınvestısııa boıynsha 103 paıyzǵa jetýimiz kerek. Alda áli 1 jarym aı bar, bul josparlaǵan mejemizge jetýge jetkilikti ýaqyt bar degen sóz. Ol úshin árbir aýdan, qala ákimi belsendi jumys isteýi kerek. Eń aldymen atqarǵan jumystaryńa taldaý jasańdar, sodan keıin ekonomıkanyń bazalyq salalarynda ósimge qol jetkizý úshin, bólingen qarjyny tolyq ıgerý úshin tıisti sharalar qabyldańdar. Biz barlyq maqsatty ındıkatorlardy oryndaýǵa tıispiz. Jergilikti jerlerde salynyp jatqan qurylystarǵa jıi-jıi baryp kórińder, ne istep jatyr, qalaı istep jatyr, qarqyny baıaý emes pe, merziminen keshiktirmeı me, sonyń bárin kúndelikti baqylaýda bolsyn. Nannyń baǵasy, ataýly áleýmettik kómek, basqa da kúndelikti týyndaıtyn máselelerdi jumys barysynda sheship otyrý kerek, - dedi sózin qorytyndylady Amandyq Batalov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir