• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:56:22
Qazaqstan Ýkraınanyń saýda naryǵyna alańdaýly

13 Qarasha, 2019 NEWS

Almatynyń damý strategııasynyń uzaq merzimdi jobasy ázirlenýde

Almaty qalasy ákiminiń orynbasary Erjan Babaqumarov shahardyń sarapshylyq qaýymdastyǵy jáne qoǵamdyq keńestiń keńeıtilgen quramdaǵy múshelerimen kezdesip, «Almaty-2050» strategııasynyń jobasyn talqylady, dep habarlaıdy ákimdiktiń baspasóz qyzmeti.

Alqaly jıyn qalanyń damýyna qatysty qujattyq jobalardyń jurtshylyq jáne sarapshylarmen talqylaýdy qup kóretin qala ákimi Baqytjan Saǵyntaevtyń tapsyrmasyna sáıkes ótti.

– Bul qala damýynyń basty basymdyqtaryn qamtıtyn negizgi qujat. Uzaq merzimdi maqsattardy anyqtaýda sizderdiń pikirlerińiz biz úshin óte mańyzdy. Bárimiz biriksek, qala úshin qajet uzaq merzimdi ári ońtaıly sheshimder tabarymyz sózsiz, – dep atap ótti Erjan Babaqumarov.

Jıynda qalanyń Qoǵamdyq keńesiniń sarapshylary men ókilderi jahandyq jáne óńirlik básekelestik, ınfraqurylym men kólik, qoǵamdyq qaýipsizdik, densaýlyq saqtaý men ekologııa, adamı kapıtaldy damytý sııaqty strategııalyq damý baǵyttary boıynsha pikir almasty.

О́z usynystaryn saıasattanýshy, JBUK múshesi Aıdos Sarym, Kazakhstan Growth Forum uıymdastyrý komıtetiniń tóraǵasy Eldar Ábdirazaqov, qarjyger jáne kásibı energetık Áset Naýryzbaev, qoǵam belsendisi Erlan Nurpeıisov, monıtorıng jónindegi maman Marjan Aıtjanova, halyqty qonystandyrý salasyndaǵy sarapshy Aıda Áljanova, kólik ınfraqurylymyn damytý salasyndaǵy sarapshy Elena Erzakovıch, ekologııa jónindegi konsýltant Jaras Tákenov, «Qoǵamdyq máselelerdi taldaý ortalyǵy» QQ dırektory Merýert Mahmýtova bildirdi. Budan ózge atalǵan qujattyń jobasyna Mamandyq tańdaý ortalyǵynyń basshysy Jantóre Kárimovtiń, Qoǵamdyq keńes múshesi Beknur Kısıkov, saıasattanýshy ári táýekelderdi baǵalaý tobynyń dırektory Dosym Sátpaev, TJ kezinde ózin-ózi uıymdastyrý salasyndaǵy sarapshy Tımýr Pochanovtyń usynystary engizildi.

Jıyndy qorytyndylaǵan Erjan Babaqumarov bul kezdesýdegi dıalogtyń konstrýktıvtiligine erekshe toqtaldy.

Qala ákimi B.Saǵyntaevtyń tapsyrmasyna sáıkes strategııa jobasy jaqyn arada qala turǵyndarynyń talqylaýyna shyǵarylady. Sarapshylar men almatylyqtardan kelip túsken usynystar jumys tobynyń otyrystarynda talqylanady. Sonymen qatar, qujattyń jobasy barlyq dıalog alańdarynda, sonyń ishinde máslıhatta, qoǵamdyq jáne iskerlik keńesterde talqylaýǵa usynylady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir