Medısınalyq kómek kórsetý sapasy qatań baqylaýda ustalynady

Almaty qalasy ákiminiń orynbasary E.Babaqumarovtyń tóraǵalyǵymen ótken jıynda medısınalyq uıymdarda bala ólimin azaıtý, sondaı-aq qaterli aýrýlardan bolatyn ólim-jitim kórsetkishin tómendetý sharalary talqylandy, dep jazady ákimdiktiń resmı saıty.

Jıynǵa qalalyq medısınalyq uıymdardyń basshylary qatysty. Jıynǵa qatysýshylar Úılestirý keńesi barysynda aıtylǵan birqatar máselelerdi qarastyryp, qabyldanyp jatqan sharalar týraly habarlady.

– Memlekettik densaýlyq saqtaý baǵdarlamasynyń barlyq mańyzdy kórsetkishterin muqııat pysyqtaý qajet. Tek úılesimdi birlesken is-qımyl ǵana qoıylǵan barlyq mindetterdi sheshýge múmkindik beredi. Barlyq basshylarǵa medısınalyq kómek kórsetý sapasyn qatań baqylaýda ustaý qajet, – dedi Erjan Babaqumarov.

Esterińizge sala keteıik, respýblıkalyq shtab otyrysynyń qorytyndysy boıynsha 29 qazanda Almatyda ótken Keńeste Prezıdent Q.-J.Toqaevtyń bergen tapsyrmalaryn iske asyrý, Almaty densaýlyq saqtaý júıesindegi isterdiń jaǵdaıyn jaqsartý, MÁMS tetikterin engizýdi eskere otyryp, medısınalyq qyzmetterdiń sapasy men qoljetimdiligin arttyrý boıynsha keshendi is-qımyl jospary ázirlendi.