Pýtın men Zelenskıı Qazaqstanda kezdese me?

Elbasy  Nursultan Nazarbaev Reseı men Ýkraına arasyndaǵy shıelenisti sheshý jolyn málimdedi, – dep Qamshy.kz aqparat agenttigi habarlaıdy.

Qazaqstannyń tuńǵysh prezıdenti Reseı men Ýkraınanyń qazirgi jaǵdaıyna baılanysty ókinishin bildirdi.

"Negizi, bul jaqyn elder ǵoı. Biraq "bolar is boldy, boıaýy sińdi" deıdi. Osy máselege syrtqy kúshter de, ishki kúshter de aralasty. Búginde Reseı men Ýkraınanyń arasy qatty ashylyp ketti. Men ózim Ýkraınany jaqsy bilemin, Reseıdi odan da jaqsy bilemin", – dep "Astana club-tyń" plenarlyq májilisinde májilisinde ol málim etti.

Sondaı-aq Elbasy  Ýkraına prezıdenti Vladımır Zelenskıımen kezdesip, kúni keshe ǵana Vladımır Pýtınmen sóıleskenin atap ótti.

"Osy problemany sheshý joldaryn talqyladyq. Iá, búginde eki eldiń arasy ashylyp ketti. Menińshe, Reseı men Ýkraına prezıdentteriniń jeke kezdesýin uıymdastyrý qajet. Men sondaı "tet-a-tet" kezdesýin ótkizýdi talqyladym. Zelenskıı óz kelisimin berdi. Ony Pýtınge aıttym. Endi, kóremiz, beıtarap aımaq kerek bolsa, ol kezdesýdi Qazaqstanda ótkizýge bolady",  – dep málimdedi Nazarbaev.

Tuńǵysh Prezıdenttiń aıtýynsha, Zelenskııdiń qatysýymen Ýkraına máselesin sheshýge bolady. Sebebi, osy eldiń jańa prezıdentin halyqtyń basym bóligi qoldap otyr. Radanyń quramynda da qoldaýshylary kóp. Sondyqtanda Reseı men Ýkraına arasyndaǵy jańa kelisimderdi sátti iske asyrýǵa bolady.