• USD 468.56

  • EUR 497.56

  • RUB 7.3

  • CNY 67.18

28 Naýryz, 23:36:12
Almaty
+35°

Indýstrııa jáne ınfraqurylymdy damytý mınıstri Beıbit Atamqulov Almaty áýejaıyn túrik kompanııasyna satý josparda bar ekenin aıtty dep jazady Qamshy.kz aqparat agenttigi. 

"Qazir bir túrik kompanııasymen kelissózder júrip jatyr. Qazirgi ýaqytta men túsinikteme bere almaımyn, bul ázirge aıaqtalmaǵan mámile. Almaty áýejaıy jeke kompanııanyń ıeliginde, sondyqtan ony iske asyrý jalǵasýda. Kelisýdi qajet etetin pýnktterdi Azamattyq avıasııa komıteti oryndaıdy", - dedi mınıstr úkimet otyrysynan keıin.

Atamqulov bul qadam qyzmet kórsetý sapasyna áser etetindigin jáne qosymsha ınvestısııalar tartylatyndyǵyn aıtty. 

"Meniń bilýimshe, birneshe áýejaılary bar kompanııa kiredi. Fransııadaǵy eki áýejaı bar sııaqty. Almaty áýejaıy - Ortalyq Azııadaǵy eń úlken áýejaılardyń biri.  Bizge jolaýshylarǵa yńǵaıly bolý úshin jolaýshylar termınalyn jańartý jáne qaıta qurý qajet, óıtkeni Almaty áýejaıy arqyly jolaýshylar tasymaly jyl saıyn artyp keledi. Sonymen qatar, jaqynda mınıstrliktiń «ashyq aspan» týraly buıryǵy qabyldandy, bul baǵyttardy kóbeıtedi", - dedi Beıbit Atamqulov. 

Ashyq aqparat kózderine súıensek, Almaty halyqaralyq áýejaıynyń 100 paıyz aksııasy nıderlandııalyq "Venus Airport Investment B.V" kompanııasyna tıesili.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir