Astanada jaryqtyń sónýine baılanysty qylmystyq is qozǵaldy

Bul týraly brıfıng barysynda IIM tergeý departamentiniń bastyǵy Sanjar Ádilov málim etti.

Eske sala keteıik, 10 qarashada túngi ekide "Levoberejnaıa" shaǵyn stansııasynyń kabel kanalynda órt shyǵyp, kabel jelisiniń zaqymdanýynyń saldarynan elordanyń birqatar aýdandarynda jaryq sónip qalǵan bolatyn. Jaryqsyz qalǵan ǵımarattar qatarynda Aqorda, Mınıstrler úıi, Joǵarǵy sot, Senat, Májilis ǵımarattary, UQK-niń keńsesi, Qorǵanys mınıstrligi men "Báıterek" monýmenti de bar.

Atalǵan derek boıynsha QR Qylmystyq kodekstiń 292-baby boıynsha (órt qaýipsizdigin buzý) sotqa deıingi tergeý amaldaryn bastaldy.

Al elordalyq ákimdik jaryqty qosý úshin 1,5 táýlik jumys istegen jumysshylarǵa syıaqy bermek.

Nur-Sultan qalasy Otyn-energetıkalyq kesheni jáne kommýnaldyq basqarmasynyń basshysy Ernat Bázildiń málimetinshe, kabeldik jelilerdi qalpyna keltirýge 16 adamnan turatyn apattyń aldyn alý brıgadasy jumyldyrylǵan.

Aýa temperatýrasy -18 gradýsqa deıin tómendegen kezde de mamandar jumysy toqtamaǵan.