• USD 468.56

  • EUR 497.56

  • RUB 7.3

  • CNY 67.18

28 Naýryz, 13:17:08
Almaty
+35°
Esterińizge sala keteıik, 1 qarashadan bastap Qazaqstanda mekenjaı anyqtamasy memlekettik kórsetiletin qyzmetter tiziliminen alynyp tastaldy.
 
Endi memlekettik organdar, mektepter men medısınalyq mekemeler azamattardan mekenjaı anyqtamasyn talap ete almaıdy. Anyqtamany Ony «Azamattarǵa arnalǵan úkimettiń» fılıaldarynan da, elektrondy úkimet portalynan da alý múmkindigi bolmaıdy. 
 
Qajet bolǵan jaǵdaıda qazaqstandyqtar tirkeýge turǵan mekenjaılaryn egov.kz elektrondy úkimet portaly men eGovmobile qosymshasyndaǵy jeke kabıneti arqyly teksere alady. Jobalaýshylardyń aıtýynsha, eGovmobile jańa baǵdarlamasy arqyly elektrondy-sıfrly qoltańbany (ESQ) paıdalaný tıimdi. ESQ-ny tórt tańbaly PIN-kod boıynsha ornatýǵa bolady. Sondaı-aq eGovmobile baǵdarlamasy uıaly telefon arqyly qoldanýǵa múmkindik bar.
 
Atalmysh baǵdarlamanyń alǵashqy betinde qoldanýshyǵa arnalǵan nusqaýlyqtar bar. Sonymen qatar onda qajetti qyzmetter alýǵa bolady. Ol úshin «Barlyq qyzmet» nemese «Qyzmetter» bólimine kirý qajet. Al «Beıin» bóliminde ártúrli memlekettik qyzmetterdiń bazasy saqtalǵan. Onda otbasy týraly, jeke qujattar, áleýmettik statýs, zańdy tulǵa jóninde aqparat, jyljymaıtyn múlik týraly t.b.málimetterdi alýǵa ruqsat etilgen.
 
Esterińizge sala keteıik, eGov saıtyndaǵy jeke kabınet avtomatty túrde siz týraly málimettermen tolyǵyp otyrady. Bul elektrondy úkimet baǵdarlamasyn Play Market pen  AppStore mobıldi qoldanbasynan júktep alýǵa bolady.
 
Memlekettik organdarǵa keletin bolsaq, olar bul málimetti ishki ister mınıstrliginiń derekter bazasymen ıntegrasııalanǵan aqparattyq júıeleri arqyly alatyn bolady.
 
Sonymen birge, azamattardyń mekenjaı tirkeýi týraly aqparatty suratýy múmkin basqa uıymdar, sonyń ishinde jeke kompanııalar egov.kz elektrondyq úkimet portalyndaǵy úshinshi tulǵalarǵa anyqtama berýge múmkindik beretin servısti paıdalana alady. Bul tek azamat bir ret aqparat alýǵa ruqsat beretin SMS-kelisim bergende ǵana júzege asatyn operasııa. Mundaı SMS alý úshin azamat «Mobıldi azamattar» bazasynda tirkelýi tıis.
 
Tirkeýdi ár azamat ózi júrgize alady (egov.kz  portalyndaǵy «Jeke kabınetke» kirip, «telefon» baǵanynda óz telefonynyń nómirin kórsetý nemese ózgertý qajet jáne ony óziniń ESQ-men rastaýy kerek) nemese HQKO-nyń kez kelgen bólimshesine júginse bolady (qyzmet tegin kórsetiledi jáne 5 mınýt ýaqytyńyzdy alady).
 
 
 
 
 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir