• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:48:12
Qazaqstan Ýkraınanyń saýda naryǵyna alańdaýly

11 Qarasha, 2019 NEWS

Prezıdent Ákimshiliginiń qoǵamdyq qabyldaýyna júginýge bolatyn YouTube-kanal ashyldy

QR Prezıdenti Ákimshiliginiń qoǵamdyq qabyldaýyna júginýge bolatyn YouTube-kanal ashyldy. Arnany elimizge belgili zańger Abzal Quspan tanystyrdy. Alǵashqy vıdeoda joba ıdeıasy qaıdan shyqty, onyń qyzmeti nendeı bolady, azamattar qalaı júginedi degen suraqtarǵa jaýap berilgen.

– Bıylǵy tamyz aıynda QR Prezıdenti janynan Aıda Balaevanyń jetekshilik etýimen QR Joǵarǵy sotynyń, Bas prokýratýranyń, Ishki ister mınıstrliginiń, basqa da vedomstvolardyń qatysýymen azamattardy qabyldaý qoǵamdyq komıssııasy qurylǵan bolatyn. Bul qoǵamdyq komıssııaǵa azamattar respýblıkanyń túkpir-túkpirinen óz aryz-shaǵymyn aıtyp keledi. Naqty jeke qabyldaý barysynda olardyń problemalary atalǵan tulǵalar men oblys ákimderi, óńir basshylarynyń selektorlyq keńesi arqyly sheshilip otyrady, – dedi zańger komıssııanyń YouTube arnasynda.

Abzal Quspan zańdyq-quqyqtyq túıitkilder naqty osy jerde, osy sátte sheshilýi tıis ózekti másele bolǵandyqtan qoǵamdyq komıssııaǵa kirý týraly prezıdent ákimshiliginen túsken usynysty qabyl alǵan.

– Komıssııa quramyna Prezıdent Ákimshiliginiń arnaıy shaqyrýymen QR Advokattar qaýymdastyǵy atynan qatysyp otyrmyn. Jıyn barysynda ár azamattyń máselesi jeke taldanyp, talqylanyp, problemalardyń meıilinshe oń sheshilýine jaǵdaı bar. Ár azamattyń jaǵdaıy ártúrli bolǵanymen máseleleri ortaq. Ony sheshý joldary ortaq. О́zimniń zańgerlik kómegimdi berip otyrý kerek dep sheshtim. Aıda Ǵalymqyzynyń basshylyǵymen bolatyn osy komıssııa eshkimdi alalamaı, bólip-jarmaı, ár azamattyń muń-zaryn tyńdap, máselelerdi sheshedi, – dedi ol.

Mazalaǵan saýaly, zańdyq-quqyqtyq baǵyttaǵy mazalaǵan suraǵyn ár azamat YouTube-arnada shyqan vıdeo astyna pikir qaldyrý arqyly jetkize alady. Sondaı-aq muń-muqtajdyqty zańgerdiń WhatsApp nómirine – 8747 515 79 42 joldaýǵa bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir