Demalys kúnderi Aqmola oblysynyń aýmaǵynda bolǵan jol apattary saldarynan 3 adam qaza tapty. Bul týraly oblystyq polısııa departamentiniń baspasóz qyzmetine silteme jasap,  Qamshy.kz aqparat agenttigi habarlaıdy.

Vedomstvonyń málimdeýinshe, jol apaty Atbasar aýdany aýmaǵy arqyly ótetin "Almaty-Ekaterınbýrg" tasjolynyń Adyr stansasy mańynda boldy.

"Sandyqtaý aýdanynyń turǵyny "VAZ 21074" kóliginiń rýline ıe bola almaı qalyp, joldyń qarsy betinde kele jatqan "Toyota Highlander" avtokóligimen soqtysty. Saldarynan "VAZ 21074" mashınasynyń 59 jastaǵy júrgizýshisi oqıǵa ornynda kóz jumdy. Al ekinshi kólikti tizgindegen Qostanaı oblysynyń turǵyny – din-aman. Qazirgi ýaqytta oqıǵaǵa baılanysty sotqa deıingi is qozǵalyp, tergeý júrgizilýde", – dedi PD baspasóz hatshysy Gúlnár Pınchýk.

Al Aqkól aýdanynda "Hyundai Elantra" jáne "Toyota Carina" soqtyǵysyp, sońǵy kóliktiń 42 jastaǵy júrgizýshisi men onyń jolaýshysy – 6 jasar bala qaza tapty. Qos kólikte bolǵan taǵy eki adam túrli dene jaraqattarymen aýrýhanaǵa jetkizildi.

"Belgili bolǵandaı, "Hyundai Elantra" kóliginiń 53 jastaǵy júrgizýshisi rýlge ıe bola almaı qalyp, joldyń qarsy baǵytyna shyǵyp ketken. QR QK-niń 345-baby 4-bóligi boıynsha qylmystyq is qozǵaldy", – dep tolyqtyrdy G.Pınchýk.

Osy oraıda, polıseıler borandy kúnderi jáne joldaǵy kóktaıǵaqqa baılanysty aqmolalyqtardy jolǵa shyqqanda saq bolýǵa shaqyrady.

 

 

Ilmek sózder: Aqmola oblysy jol apaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir