• USD 468.56

  • EUR 497.56

  • RUB 7.3

  • CNY 67.18

29 Naýryz, 19:37:32
Almaty
+35°

QR Prezıdentiniń kómekshisi – QR Prezıdenti Ákimshiliginiń ótinishterdi qaraýdy baqylaý bóliminiń meńgerýshisi Aıda Balaeva men Almaty qalasy ákiminiń orynbasary Erjan Babaqumarov jańartylǵan quramdaǵy qalanyń Qoǵamdyq keńesiniń birinshi otyrysyn ótkizdi, dep jazady ákimdiktiń baspasóz qyzmeti.

Almaty qalasynyń Qoǵamdyq keńesi 2016 jyly qurylyp, qala ómiriniń ózekti máselelerin talqylaý jáne ońtaıly sheshimderdi ázirleýde mańyzdy alańǵa aınaldy. Keńeske qoǵamdaǵy túrli salalardyń, sonyń ishinde úkimettik emes uıymdardyń, etnomádenı birlestikterdiń, bıznestiń jáne saıası partııalardyń ókilderi kiredi. Bul qalany damytý boıynsha jumystyń tıimdiligin arttyrady. Keńes músheleriniń sanyn 31-den 37 adamǵa deıin arttyrý da oń áserin tıgizedi. Aıda Balaeva qalalyqtardyń ómir súrý sapasyn jaqsartýdaǵy Qoǵamdyq keńestiń mańyzdylyǵyn atap ótti. Onyń aıtýynsha, onyń jumysy elimizdiń basqa qalalary úshin úlgi bola alady.

«Eger respýblıkadaǵy barlyq qoǵamdyq keńesterdiń qyzmetin saraptaıtyn bolsaq, olardyń keıbirinde tájirıbe jetispeıtinin jáne quramyn ózgertý kerektigin atap ótýge bolady. Sizder áleýmettik mańyzdy máselelerdi sheshýde úlken jumys atqarýdasyzdar», – dedi A.Balaeva.

Kezdesýge qatysqan Almaty qalasy ákiminiń orynbasary Erjan Babaqumarov ta Qoǵamdyq keńes qyzmetiniń tıimdiligine nazar aýdardy.

«Eldegi qoǵamdyq keńester Elbasy Nursultan Nazarbaevtyń bastamasymen qurylǵan. Qala ákimi keńes jumysyna erekshe kóńil bóledi. Sondyqtan, qala ákimi retinde qoǵamdyq keńes múshelerimen birinshi kezdesýdi ózi ótkizdi. Sonymen qatar, Nur Otan partııasynyń qalalyq fılıaly janynan azamattar men memlekettik organdardyń ózara is-qımylyn kúsheıtý maqsatynda megapolısti damytýdyń áleýmettik-ekonomıkalyq máselelerin qaraý jónindegi azamattyq komıtet quryldy. Baqytjan Saǵyntaev óz jumysynda qoǵammen dıalogqa úlken mán beredi. Ol aıyna eki ret azamattardyń jeke qabyldaýyn, sondaı-aq «ashyq mıkrofon» formatynda turǵyndarmen kezdesýler ótkizedi. Onyń tapsyrmasy boıynsha aýdan ákimderi men basqarma basshylary turaqty negizde «ashyq esik» kúnderin ótkizedi. Aptasyna eki ret «Almaty» telearnasynda tikeleı efırde qala turǵyndarynyń suraqtaryna jaýap beredi», – degen Erjan Babaqumarov, ákimdik jumysynyń ashyqtyǵyn tilge tıek etti.

Jalpy, Almaty ákimdigi azamattyq sektordyń bastamalaryn qoldaıdy. Bul rette qalanyń tynys-tirshiligine qatysty mańyzdy sheshimder jurtshylyq ókilderimen talqylanǵannan keıin qabyldanady.

«Keńes músheleriniń belsendi ómirlik ustanymy almatylyqtardyń ómir súrý sapasyn jaqsartý boıynsha aldymyzda turǵan mindetterdi naqty sheshýge kómektesedi. Sonymen qatar, qalany damytý baǵdarlamasynyń júzege asyrylýyna qoǵamdyq baqylaý jáne bılik pen qoǵam arasyndaǵy syndarly dıalog qamtamasyz etilmek», – dep tolyqtyrdy qala ákiminiń orynbasary.

Kezdesý barysynda qalanyń qoǵamdyq keńesiniń tóraǵasy, «Turan» ýnıversıtetiniń rektory, máslıhat depýtaty Rahman Alshanov, «Qazaqstannyń daǵdarys ortalyqtary odaǵy» ZTB basqarma tóraǵasy Zýlfııa Baısaqova, «Aqparattyq-resýrstyq ortalyq» QQ dırektory Altynaı Kóbeeva, táýelsiz jýrnalıst Sergeı Ponomarev, «Qazaqstan Respýblıkasy kooperatıvteriniń jáne ekonomıkalyq qoǵamdastyqtardyń basqa da nysandarynyń ulttyq qaýymdastyǵy» ZTB prezıdenti Qazybek Shaıh, qoǵam qaıratkeri Marat Shıbýtov jáne basqalar sóz sóıledi.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir