• USD 468.56

  • EUR 497.56

  • RUB 7.3

  • CNY 67.18

29 Naýryz, 19:54:12
Almaty
+35°

Qazaqstanda jyl saıyn 49 myń ınsýlt alý oqıǵasy tirkeledi. Insýlt alǵandardyń 80 paıyzǵa jýyǵy múgedek bolyp qalady. Bul týraly «QazAqparat» HAA tilshisine №7 qalalyq klınıkalyq aýrýhana ınsýlt bólimshesiniń meńgerýshisi Janna Dúısembaeva aıtty.

– Insýlt – mı qan aınalymynyń jiti buzylýy. Ol kenetten paıda bolady. Insýlttiń 2 túri bar: birinshisi – mı ınfarkty (ıshemııalyq ınsýlt) jáne ekinshisi – qan qysymynyń joǵarylaýy saldarynan bolatyn mıǵa qan quıylý, – dep atap ótti ol.

Dáriger mıǵa qan quıylý kenetten paıda bolsa, onda adamnyń qan qysymy kúrt kóteriledi, tamyry úziletinin túsindirdi.

«Adam ózin nashar sezinedi, talyp qulap qalýy múmkin, sondaı-aq esin joǵalta bastaıdy. Al ıshemııalyq ınsýlt kezinde adamnyń jaǵdaıy birtindep nasharlaıdy, onyń qol-aıaǵy jansyzdana bastaıdy», – deıdi Janna Dúısembaeva.

Dárigerdiń aıtýynsha, mundaı jaǵdaılarda naýqastar dereý dárigerge qaralýy kerek.

– О́kinishke oraı, klınıkalarǵa kesh baryp jatady. Bizdiń halyq aýrýhanalarǵa baryp, áýrege túskisi kelmeıdi. Insýlt alǵanda birden jedel járdem shaqyrý qajet. Tipti, berilgen dári-dármekterdi tolyǵymen ishpeıtin ınsýlt alǵan esepte turǵan naýqastarymyz da bar, – deıdi dáriger.

Janna Dúısembaeva búgingi kúnde Qazaqstanda 57 ınsýlt ortalyǵy bar ekenin atap ótti.

«Gıpertonııalyq aýrýmen aýyratyn adamdar qan qysymy bar-joǵyna qaramastan, dárigerler bergen dári-dármekterdi kún saıyn iship otyrýy kerek. Negizinen, naýqastar densaýlyqtary qalypty jaǵdaıǵa kelgen kezde dári ishýdi toqtatady. Alaıda qan qysymy kez kelgen ýaqytta kenetten kóterilýi múmkin. Dárigerdiń belgilep bergen em-sharalaryn ýaqytynda qabyldap otyrýy qajet», – dedi ol.

Bul aýrýdan kóbinese 60 jastan asqan egde jastaǵy adamdar zardap shegedi, biraq ınsýlt jastar arasynda da kezdesedi. Onyń aıtýynsha, adamdar birinshi kezekte salaýatty ómir saltyn ustanyp, durys tamaqtanyp, ınsýlttiń ǵana emes, basqa da aýrýlardyń aldyn alý úshin zııandy ádetterden bas tartýy kerek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir