Toqaev Úkimetke arnaıy komıssııa qurýdy tapsyrdy

Qazaqstan prezıdenti Qasym-Jomart Toqaev elordanyń basym bóliginde jaryqtyń sónip qalýyna ákep soqtyrǵan apatty jaǵdaıǵa baılanysty úkimetke arnaıy komıssııa qurýdy tapsyrdy dep jazady Qamshy.kz aqparat agenttigi. Bul týraly memleket basshysynyń baspasóz hatshysy Berik Ýálı feısbýk jelisi arqyly habarlady.

"Memleket basshysy Qasym-Jomart Toqaev elordanyń basym bóliginde jaryqtyń sónip qalýyna ákep soqtyrǵan apatty jaǵdaıǵa baılanysty Úkimetke arnaıy komıssııa qurýdy tapsyrdy. Oǵan vıse-premer Roman Sklıar tóraǵalyq etedi. Komıssııa muqııat zertteý júrgizip, kinálilerdi anyqtap, qajet bolǵan jaǵdaıda isti quqyq qorǵaý organdaryna ótkizedi. Prezıdent Úkimet pen Nur-Sultan qalasynyń ákimdiginen aldaǵy ýaqytta mundaı jaǵdaılarǵa jol bermeý úshin shuǵyl sharalar qabyldaýdy talap etti", - dep jazdy Berik Ýálı.