Almatyda koreı halqynyń Dostyq merekesi keńinen atap ótiledi

Jyl saıyn 11.11 (11 qarasha kúni) álem boıynsha Pepero Day dostyq pen mahabbat merekesi atap ótiledi dep jazady Qamshy.kz aqparat agenttigi.

Mereke tarıhy ótken ǵasyrdyń 80-jyldarynan bastaý alady. Koreı elinde 11 qarasha kúni saǵat ýaqyty 11:11:11-di kórsetkende oqýshy qyzdar bir-birimen shokoladpen qaptalǵan tátti taıaqshalarmen almasa bastady. Pepero taıaqshalary álemniń birqatar elinde dostyq pen mahabbattyń nyshanyna aınady.

10 men 11 qarasha kúnderi Almaty turǵyndary Shyǵys Azııa eliniń salt-dástúrimen tanysa alady. 10 qarasha kúni Medeý shatqalynda Almatynyń turǵyndary men qala qonaqtaryna Pepero pecheneleri usynylady. 11 qarasha kúni dostyq merekesi barlyq metro beketteri men poezd vagondarynda ótedi. Tańǵy 8:00-den keshki 19:00-ge deıin metro jolaýshylary mýzykalyq perfomanstardyń kýási bolyp, ózderin mýzykant sezinip, tanymal oryndaýshylardyń ónerin jandy daýysta tyńdap, Koreı eliniń tátti pechenesinen dám tata alady.

Mysaly, Jibek Joly beketinde poezd kútý kezinde tanymal ánderdi akapel oryndaýynda tyńdaýǵa bolady. Raıymbek beketiniń perronynda jolaýshylarǵa arnalyp mýzyka atasy sanalatyn eki aspap saksofon men qobyz konserti oryndalady. Máskeý beketinde «Atman» trıosynyń ónerin tamashalaı alady.

Pepero shokolad taıaqshalaryn óndiretin Lotte Confectionery koreı kompanııasynyń ókili Shın Iong Song bul merekeniń Qazaqstandaǵy qanshalyqty tanymal ekendigin jáne aldaǵy josparlarymen bólisti:

«BizPepero Day dostyq merekesin Almatyda ekinshi márte uıymdastyryp jatyrmyz. Pepero Qazaqstanda keńinen tanylyp jatyr. О́tken jylǵy kórsetkishterdi aıtatyn bolsaq, qazaqstandyqtar 10 tonna pechene satyp alǵan. 2019 jyldyń sońyna taman tutyný kórsetkishteri 13 tonnaǵa ósedi Qazirgi ýaqytta Pepero-ny Koreı elinen jetkizemiz. Biraq, ónimge degen suranystyń artýyna baılanysty biz Qazaqstanda óndirýdi qarastyramyz»

Kondıterlik fabrıka týraly anyqtama bere ketsek:

Alma-Ata kondıterlik fabrıkasy 1942 jyly quryldy. 1992 jyly kásiporyn «Rahat» aksıonerlik qoǵamy dep ataldy. 2013 jyly Ońtústik Koreıanyń LOTTE Confectionery kompanııasy «Rahat» AQ aksııalarynyń negizgi býmasyn satyp aldy. LOTTE Confectionery Ońtústik Koreıanyń kólemi boıynsha 5-shi eń iri konglomeraty – LOTTE tobynyń enshiles kompanııasy jáne de Ońtústik Koreıanyń shtab-páteri Seýl qalasynda ornalasqan jetekshi kondıterlik kompanııasy bolyp tabylady. Búgingi kúni «Rahat» AQ-nyń LOTTE Confectionery kompanııasyna tıesili aksııalarynyń úlesi 95,57 % quraıdy.

Kondıterlik fabrıka dıstrıbıýtorlyq jelisi jónge salynǵan naryq kóshbasshysy bola otyryp, ataýy 400 asatyn joǵary sapaly kondıterlik buıymdar óndiredi. Kompanııanyń assortımentinde shokoladty jáne jele kámpıtteri, karamel, ırıs, shokolad tilimderi, pechene, vaflı, zefır, draje jáne t.b. bar. Keıbireýleriniń Qazaqstan naryǵynda analogy joq.

Kompanııanyń ónimi Qazaqstanda, О́zbekstanda, Qyrǵyzstanda, Reseıde, Belarýste, Armenııada, Qytaıda jáne basqa elderde satylady.