• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:43:21
Qazaqstan Ýkraınanyń saýda naryǵyna alańdaýly

09 Qarasha, 2019 Saıasat

Janbolat Mamaı túrmege qamalýy múmkin ekenin málimdedi (vıdeo)

2017 jyly aqpanda "Muhtar Áblıazovtiń aqshasyn gazet shyǵarý arqyly zańdastyrýǵa qatysty" degen kúdikpen Almatyda qamaýǵa alynyp, jeti aıdan keıin sot úkimimen bostandyǵy úsh jylǵa shektelip, bosap shyqqan oppozısııadaǵy belsendi, táýelsiz jýrnalıst Janbolat Mamaı ózin qaıtadan "polısııa qamaýy múmkin" dep kúdiktenedi. Bul týraly ol búgin, 9 qarashada Facebook-taǵy paraqshasynda málimdedi. 

Mamaıdyń aıtýynsha, 9 qarasha kúni kúndiz saǵat 14.00-de onyń úıine Almaty oblysy Qarasaı aýdany ishki ister bóliminiń probasııa qyzmetkerleri kelip, sol  ýaqytta úıinde bolmaýyna baılanysty týystaryna jazbasha eskertý tastap ketken. Keıin, keshki saǵat 20.30 shamasynda Mamaıdyń úıine probasııa qyzmetkerleri taǵy kelip, 11 qarasha kúni probasııa qyzmetine kelý týraly shaqyrtý qaǵazyn bergen. Belsendiniń sózinshe, probasııa qyzmetkerleri bergen shaqyrtý qaǵazynda 11 qarasha kúni óziniń "bostandyǵyn shekteý" jazasyna baılanysty másele qaralatyny týraly jazylypty. 

Mamaı ózine jasalǵan eskertýdiń zańsyzdyǵyn jáne probasııa qyzmetine shaqyrtylýyn saıası belsendiligin shekteý úshin bılik tarapynan jasalynyp otyrǵan áreket ekenin aıtty. 

"Bul - tap-taza saıası astary bar, saıası negizdegi qysym dep bilemin. О́ıtkeni men probasııa qyzmetinde 2017 jyldyń 29 qyrkúıeginen bastap baqylaýda turmyn. Biraq osy ýaqytqa deıin meni birde-bir ret kúndiz úıime kelip teksergen emes, senbi, jeksenbi kúni kúndiz kelip teksergen emes. Tekserse, keshki 22.00-den keıin (ıaǵnı zań boıynsha men sol ýaqytta úıde otyrýym kerek) tekseretin. Dál osy kúni tekserip, dál osy kúni kelgenine qaraǵanda, bul - saıası astary bar qysym. Men áli de zań boıynsha probasııa qyzmetiniń tirkeýinde bolýym kerek bolatyn. Maǵan kóktemde bir ret «Polıton" klýbyn júrgizdi dep bir eskertý berdi, Endi taǵy bir eskertý beriletin bolsa, (ol eskertý beriletin sııaqty dúısenbi kúni) onda meni qaıtadan túrmege qamaýy múmkin" - dedi Mamaı óziniń Facebook arqyly jasaǵan málimdemesinde. 

Buryn "Saıası qalam - "Trıbýna" gazetin basqarǵan jýrnalıst, qoǵam belsendisi Janbolat Mamaı 2017 jyly aqpanda "Muhtar Áblıazovtiń aqshasyn gazet shyǵarý arqyly zańdastyrýǵa qatysty" dep aıyptalyp, 2017 jyldyń qyrkúıeginde shartty jazamen bosatylǵan. Sot oǵan úsh jyl jýrnalıstik qyzmetpen aınalysýǵa tyıym salǵan. Janbolat Mamaı ózine taǵylǵan aıypty moıyndamaǵan. ​

16 qazanda Janbolat Mamaı jańa oppozısııalyq partııa quratynyn málimdegen. Qarasha aıynyń basynda Mamaı oppozısııalyq parııa qurǵaly otyrǵan bastamashyl toppen birge 2-8 qarasha kúnderi Qazaqstannyń batys óńirin aralap, jaqtastarymen kezdespek bolǵan. Biraq 1 qarashada Almaty oblysy Qarasaı aýdanynyń probasııa qyzmeti oǵan qaladan shyǵýǵa tyıym salǵan. 

 

♦Oqı otyryńyz: Janbolat Mamaı: Toqaev ta, Nazarbaev ta popýlızmmen aınalysyp otyr


Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir