• USD 389.52
  • EUR 429.21
  • RUB 6.07
  • CNY 54.94
24 Aqpan, 17:31:31
Shyńjańdyq dúngen: Dereý qazaqtardan keshirim surańdar! (aýdıo)

09 Qarasha, 2019 NEWS

Alık Shpekbaev: QazUÝ men "NARHOZ" ýnıversıteti jastar bastamalarynyń ortalyǵyna aınaldy  

Sybaılas jemqorlyqqa qarsy forýmnyń aıasynda Agenttik Tóraǵasy Alık Shpekbaev Almaty qalasyndaǵy birqatar joǵary oqý oryndaryna (budan ári - joo) bardy dep habarlaıdy Qamshy.kz aqparat agenttigi.

Alık Shpekbaev

Búgingi tańda QazUÝ elimizdiń jetekshi joo retinde álemniń eń úzdik 200 tobyna qosylý týraly elimizdiń tuńǵysh Prezıdenti – Elbasy Nursultan Nazarbaev qoıǵan mańyzdy memlekettik mindetti iske asyrýda maqsatty jumystar atqarýda.

О́z kezeginde JOO basshylyǵy «Ýnıversıtet 4.0» jobasyn tanystyrdy. Búginde QazUÝ-niń álemdik deńgeıdegi zertteý ýnıversıtetine aınalýy al-FarabiUniversitySmartCity ınnovasııalyq platformasynyń negizinde QazUÝ ázirlegen jáne engizgen «Ýnıversıtet 4.0» tujyrymdamasynyń aıasynda júzege asyrylýda. «Ýnıversıtet 4.0» joǵary tehnologııalyq jáne rýhanı-adamgershilik platformasynyń selbesýine negizdeledi jáne elimizdiń, álemniń azamattary retinde joǵary deńgeıli mamandardyń jańa býynyn tárbıeleýge baǵyttalǵan.

Alık Shpekbaev

Sondaı-aq, parasattylyq mektepteri ashyldy. Mekteptiń basty maqsaty – jastar arasynda sybaılas jemqorlyqqa qarsy minez-qulyq qalyptastyrý jáne sybaılas jemqorlyqqa qarsy qozǵalystyń jańa formasııadaǵy jas ókilderin daıarlaý.

Osydan soń Alık Shpekbaev «NARHOZ» Ýnıversıtetine baryp, onyń stýdentter men oqytýshylar arasynda sybaılas jemqorlyqqa qarsy jumystardy uıymdastyrý máseleri jónindegi jumysymen tanysty.

Kezdesý barysynda Narhoz ýnıversıtetinde birinshi kýrsty oqytýdyń jańa tásilderi tanystyryldy. Jumystyń ınteraktıvtik ádisterine jáne ár stýdentke jeke tásil qoldanýǵa negizdelgen jańa ádisteme plagıatpen jáne stýdentterdiń jazba jumystaryn tapsyryspen oryndaýǵa baılanysty máselelerdi azaıtadynemese qutqarady.

Alık Shpekbaev

Alık Shpekbaev kezdesýdi qorytyndylaı kele: «Jyl saıyn men joǵary minbelerden NARHOZ ýnıversıtetinde jemqorlyqtyń tipti ıisi de joq dep málimdeımin. Ýnıversıtettiń menedjmenti men oqytýshylary eń aldymen oqytýdyń sapasyna jáne rásimderdiń ashyqtyǵyna basa nazar aýdara otyryp, jańasha jumys isteıdi», - dep atap ótti.

Al,«AlmaU»Ýnıversıtetinde stýdentterde qoǵamǵa jáne parasattylyqqa qyzmet etý qaǵıdattaryn qalyptastyrý máseleleri boıynsha kezdesý ótti.

Sybaılas jemqorlyqqa qarsy qyzmet mekemesiniń basshysy búgingi tańda elimizdiń 2,5 myń oqý oryndarynyń bazasynda jastardyń bastamalarynyń ortalyǵyna aınalǵan parasattylyq mektepteriniń jumysy uıymdastyrylǵanyn málimdedi.

Ol úlgi retinde QazUÝ men «NARHOZ»-dy atady.

«Kreatıvti jastardyń qatysýyn kórý kóńilge qýanysh syılaıdy. О́skeleń urpaq túrli formattaǵy is-sharalar men qaıyrymdylyq aksııalaryn ótkizý, vıdeorolıkter men mýltfılmder ázirleý arqyly parasattylyq qaǵıdattaryn qoldaıtynyn kórsetýde», - dedi A.Shpekbaev.

Sybaılas jemqorlyqty túbegeıli joıý tek qoǵamda senim bolǵan jaǵdaıda jáne sybaılas jemqorlyqqa qarsy qozǵalysqa beı-jaı qaramaıtyn azamattar keńinen tartylǵanda ǵana múmkin bolmaq.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir