Terrorısterden TMD-ǵa qandaı qaýip bar? (vıdeo)

Halyqaralyq terrorıstik uıymdar jańa aýmaqtardy basyp alý úshin TMD keńistiginde plasdarm quryp jatyr. Bul týraly Ulttyq lańkestikke qarsy komıtettiń tóraǵasy jáne Reseı Federaldy qaýipsizdik qyzmetiniń dırektory Aleksandr Bortnıkov málimdedi – dep Qamshy.kz aqparat agenttigi habarlaıdy, spýtnıkke silteme jasap.

Reseı Federaldy qaýipsizdik qyzmetiniń dırektory sodyrlar Sırııa men Irakta jeńiliske ushyraǵannan keıin jańa turaqsyzdyq aımaqtaryn quryp jatqanyn atap ótti.

"Bıyl Ázerbaıjan, Tájikstan, Qyrǵyzstan jáne О́zbekstandaǵy seriktesterimizben birge halyqaralyq terrorıstik qurylymdardyń 13 uıashyǵyn anyqtap, joıdyq, 138 sodyr ustaldy", – dep Tashkenttegi TMD-ǵa múshe memleketterdiń qaýipsizdik jáne arnaıy qyzmetter organdary basshylary keńesiniń otyrysynda Bortnıkov aıtty.