• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:41:30
Qazaqstan Ýkraınanyń saýda naryǵyna alańdaýly

08 Qarasha, 2019 NEWS

Almatyda Marat Ospanovty eske alý keshi ótti

Abaı atyndaǵy opera jáne balet teatrynda memleket jáne qoǵam qaıratkeri Marat Ospanovtyń 70 jyldyǵyna arnalǵan eske alý keshi ótti, dep habarlaıdy ákimdiktiń baspasóz qyzmeti.

Marat Turdybekuly Qazaqstan Respýblıkasy Parlament Májilisiniń tuńǵysh Tóraǵasy boldy. Ol «Turaqtylyqtan ósýge» atty ekonomıkalyq baǵdarlamany jazdy, alǵashqy Salyq kodeksin, Qazaqstannyń táýelsizdigi týraly Deklarasııany ázirleýge qatysty.

Kesh «Marat Ospanovtyń ómiriniń kodeksi» qujatty fılmin kórsetýmen bastaldy.

Almaty qalasynyń ákimi Baqytjan Saǵyntaev quttyqtaý sóz sóıledi, Marat Turdybekulynyń aıryqsha saıası kóregendigin atap ótti.

– Qazaqstan Respýblıkasy Parlamenti Májilisine alǵashqy tóraǵalyq etken kezinde Marat Turdybekuly tereń bilimin kórsetti. Sol bir aýyr kezde elimizdiń sáýletti bolashaǵy úshin jańa zańdar qabyldaý óte mańyzdy edi. Marat Turdybekuly ómirsheń zańdardyń qabyldanýyna tikeleı jaýap berdi jáne olardy der kezinde júzege asyra bildi, – dedi Almaty ákimi B. Saǵyntaev.

Abaı atyndaǵy opera jáne balet teatrynyń sahnasynda №4 zaǵıptar men nashar kóretin balalar mektep-ınternatynyń halyq aspaptary orkestri Serik Nurtazınniń dırıjerlik etýimen «О́rleý» kúıin oryndady. №4 zaǵıatar men nashar kóretin balalar mektep-ınternatynyń túlegi Erhat Tájibaev «Dýdaraı» ánin oryndady. I have nothing (Whitney Houston) ánin «Qazaqstan daýysy» jobasynyń jeńimpazdary Dinmuhamed Dáýletov jáne Alena Kogaı aıtty, Abaı atyndaǵy opera jáne balet teatrynynyń artısteri jáne basqalar óner kórsetti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir