Almaty-Tájikstanmen yntymaqtastyǵy kúsheıedi

Qala ákimi Baqytjan Saǵyntaev Almatydaǵy Tájikstannyń Bas konsýly Bahodýr Nazırdi qabyldady, olar saýda-ekonomıkalyq jáne ǵylymı-tehnıkalyq qatynastar perspektıvalaryn keńeıtý máselelerin talqylady, dep jazady ákimdiktiń resmı saıty.

Baqytjan Saǵyntaev dıplomat kótergen máselelerdiń qarastyrylatynyn jáne «Almaty» ÁKK arqyly júzege asyrýǵa usynylatynyn atap ótti. Aıta keterligi, birikken jobalardy oryndaý úshin qalanyń kásipkerleri shaqyrylatyn bolady.

B. Nazır basty baǵyttardyń biri retinde Almatyǵa aýylsharýashylyq ónimderin jetkizýdi qarastyrýdy usyndy. Degenmen, Tájikstan úshin jemis-kókenis ónimderin saqtaý jáne qaıta óńdeý jónindegi kólik-logıstıkalyq keshenderdi qurý tájirıbesi qyzyq.

Buǵan qosa, taraptar mádenıet salasynda da ózara is-qımyldyń qajet ekendigine nazar aýdardy. Almatylyq shyǵarmashylyq ujymdar Dýshanbe alańdarynda, al tájiktikter Almatyda óner kórsete alady.