• USD 389.52
  • EUR 429.21
  • RUB 6.07
  • CNY 54.94
28 Qańtar, 14:34:37
Qazaqstan Ýkraınanyń saýda naryǵyna alańdaýly

08 Qarasha, 2019 NEWS

Saparbaev: Eshbir ardager nazardan tys qalmaýy tıis

Premer-Mınıstrdiń orynbasary Berdibek Saparbaevtyń tóraǵalyǵymen ekinshi dúnıejúzilik soǵystaǵy Jeńistiń 75 jyldyǵyn Qazaqstan Respýblıkasynda atap ótý jáne oǵan daıyndyqty uıymdastyrý jónindegi Vedomstvoaralyq komıssııanyń otyrysy ótti – Qamshy.kz aqparat agenttigi dep habarlaıdy,  Úkimet basshysynyń resmı saıtyna silteme jasap.

Qorǵanys mınıstriniń birinshi orynbasary –  Qarýly Kúshterdiń Bas shtabynyń bastyǵy Murat Bektanov tıisti sharalar josparynyń jobasy týraly aqparatty usyndy. Atap aıtqanda, jeńistiń mereıtolyq jylynda áskerı sherý ótkizý, EDS jyldary qaza tapqan qazaqstandyq jaýyngerlerdiń eskerilmeı qalǵan molalaryn jáne kómilmeı qalǵan qaldyqtaryn anyqtaý boıynsha izdeý jumystaryn júrgizý, ardagerlerdiń TMD elderiniń aýmaǵynda ótkiziletin sharalarǵa qatysýy, ardagerlerge áleýmettik kómek kórsetý, mereıtoılyq medaldar tapsyrý, mádenı-buqaralyq sharalar uıymdastyrý sharalary josparlanǵan.

Sondaı-aq jospar jobasynda barlyǵy 67 is-shara qarastyrylǵan.

Odan ózge vıse-premer Eńbek jáne halyqty áleýmettik qorǵaý mınıstrligine ákimdiktermen jáne «QR Ardagerler uıymy» RQB Ortalyq keńesimen birge Jeńistiń 75 jyldyǵyna oraı soǵys ardagerleri men múgedekterine birdeı bir rettik tólem somasyn belgileý máselesin pysyqtaýdy tapsyrdy.

«UOS ardagerlerin, tyl eńbekkerlerin, tarıhı mıssııany oryndap, fashızmdi jeńýge úles qosqan qazaqstandyqtardy ardaqtaý jalpy memlekettik aýqymdaǵy shara. Biz kúsh-jigerimizdi olardy jan-jaqty qoldaýǵa baǵyttaýymyz qajet. Eshbir ardager nazardan tys, qamqorlyqsyz qalmaýy tıis», – dep B. Saparbaev sózin túıindedi.

 

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir